भारतको नैनीतालमा गाडी दुर्घटना हुँदा सात नेपालीको मृत्यु भएको छ । नैनीताल क्षेत्रको बेतालघाटको खोँचमा गाडी खस्दा सात नेपालीको मृत्यु भएको टाइम्स अफ इन्डियाले जनाएको छ ।

समाचारमा जनाइएअनुसार दुर्घटनामा कूल आठ जनाको मृत्यु भएको छ । जसमध्ये सात जना नेपाली हुन भने एक जना गाडी चालक भारतीय हुन् ।  मृत्यु हुनेमा चालक राजेन्द्र कुमार भने भारतकै बेतालघाटका हुन् । 

सोमबार राति साढे १० बजे दुर्घटना भएको हो । गाडी १५० मिटर मुनि खसेको थियो । 

गाडीमा कूल ९ जना नेपाली थिए । उनीहरू सबै कञ्चनपुरको महेन्द्रनगरका हुन् । उनीहरू घर जाँदै गर्दा दुर्घटना भएको समाचारमा उल्लेख छ । उनीहरूको सनाखत हुन बाँकी छ । दुर्घटनामा दुई नेपाली घाइते भएका छन् । 

दुर्घटनामा मृत्यु भएका र घाइते भएका सबै नेपालीहरू भारतको जल जीवन परियोजनामा काम गर्ने मजदुरहरू भएको बताइएको छ ।