जनकपुरधाम सांस्कृतिक महोत्सवको दोस्रो संस्करण सम्पन्न भएको छ ।

भारतीय राजदूतावास, काठमाडौंस्थित स्वामी विवेकानन्द सांस्कृतिक केन्द्र, भारतको महावाणिज्यदूतवास, वीरगन्ज महानगरपालिका र बीपी कोइराला भारत–नेपाल फाउन्डेसनको संयुक्त आयोजना भएको कार्यक्रममा विभिन्न सांगीतिक प्रस्तुतिसमेत प्रस्तुत गरिएको थियो ।

नेपाली नयाँ वर्ष विक्रम संवत् २०८१ को अवसरमा शनिवार आयोजित महोत्सव दुई सत्रमा विभाजित थियो ।​​

कार्यक्रमको पहिलो सत्रमा हरिवंश झाले ‘जानकी लीला’मा महत्वपूर्ण व्याख्यान प्रस्तुत गरेका थिए भने नेपाल-भारत किल्लाहरूको प्रदर्शनीसमेत गरिएको थियो ।

यस्तै, चर्चित सेफ सन्तोष साहद्वारा प्रस्तुत मैथिली फुड फेस्टिवल पनि महोत्सवमा समावेश रहेको थियो ।

यसै गरी दुई देशका कला, संस्कृति तथा चाडपर्वको साझा परम्परामा झल्किने भारत र नेपालको साझा सांस्कृतिक सम्पदालाई जनकपुरधाम सांस्कृतिक महोत्सवको दोस्रो संस्करणमा प्रस्तुत गरिएको थियो ।

कार्यक्रमको दोस्रो सत्रमा स्वामी विवेकानन्द सांस्कृतिक केन्द्रका गुरु तथा कलाकारले भगवान राम र सीताको जीवनीमा आधारित भजनको सांगीतिक प्रस्तुति प्रस्तुत दिएका थिए ।

दोस्रो सत्रको विशेष आकर्षणका रुपमा गायिका मेनुका पौडेलको प्रस्तुति रहेको थियो । पौडेल इन्डियन आइडल २०२४ को उत्कृष्ट १० मा पर्न सफल भएकी थिइन् ।​

जनकपुरस्थित महेन्द्रनारायण निधि मिथिला सांस्कृतिक केन्द्रमा आयोजना गरिएको कार्यक्रममा मधेश प्रदेशका मुख्यमन्त्री सरोजकुमार यादवको प्रमुख आतिथ्यता र जनकपुरधाम उपमहानगरपालिकाका माननीय मेयर मनोजकुमार साहको विशेष आतिथ्यता रहेको थियो । यस्तै, महोत्सवमा मधेश प्रदेशका प्रदेश सभा सदस्य, प्रतिष्ठित व्यक्तित्व र सञ्चारकर्मीहरूको सहभागिता रहेको थियो भने दर्शकहरूको उत्साहजनक उपस्थिति रहेको थियो ।

जनकपुरधाम सांस्कृतिक महोत्सवको पहिलो संस्करण सन् २०२३ अप्रिलमा भएको थियो ।