काठमाडौंको कलंकीस्थित भाटभटेनी सुपर मार्केटमा आगलागी हुँदा १ करोड ७० लाख रुपैयाँको क्षति भएको छ ।

काठमाडौं महानगरपालिका १४ कलंकीस्थित भाटभटेनीमा करेन्ट सर्ट भई आगलागी हुँदा १ करोड ७० लाखको क्षति भएको प्रारम्भिक अनुमान गरिएको प्रहरीले जनाएको छ ।

शुक्रवार साँझ भएको आगलागीबाट जेनेरेटर २ थान, ट्रान्सफर्मर १ थान, प्यानल बोड १ थान, बीसीटी १ थान, फ्रिज कम्प्रेशर १ थानलगायत जलेर करिब १ करोड ७० लाख रुपैयाँ बराबरको धनमाल नष्ट भएको प्रहरीले शनिवार जानकारी दिएको छ ।