नेपाली कांग्रेस संसदीय दलको बैठक आज बस्ने भएको छ। बैठक दिउँसो २ बजे संसद् भवनमा बस्नेछ।

शुक्रबार शुरू हुने बजेट अधिवेशनमा पार्टीले खेल्ने भूमिकाबारे छलफल गर्न कांग्रेसले संसदीय दलको बैठक बोलाएको हो।

सहकारीको रकम हिनामिना प्रकरणमा मुछिएका गृहमन्त्री रवि लामिछानेमाथि छानबिन गर्न संसदीय समिति गठनको माग उठाउँदै अघिल्लो अधिवेशनमा कांग्रेसले संसदमा विरोध जनाएको थियो । शुक्रबारबाट शुरू हुने अधिवेशनमा पनि आफ्ना माग जोडदार रूपमा उठाउने कांग्रेसको तयारी छ ।