×

लुम्बिनी बौद्ध विश्वविद्यालयको रजिष्ट्रार नियुक्तिमा चलखेल

पहिलो नम्बरमा सिफारिस भएका व्यक्तिलाई रोकेर पाँचौं नम्बरकालाई नियुक्ति गर्न दबाब

बुटवल | बैशाख ३१, २०८१

सिफारिस भएको लामो समयसम्म पनि लुम्बिनी बौद्ध विश्वविद्यालयको रजिष्ट्रार नियुक्ति हुन सकेको छैन । रजिष्ट्रार नियुक्ति गर्नुको सट्टा सिफारिस उल्ट्याउन केही धार्मिक संस्था र व्यक्ति लागेका छन् । 

रूपन्देहीमा रहेको लुम्बिनी बौद्ध विश्वविद्यालयमा गएको चैत १ गतेदेखि विश्वविद्यालयको रजिष्ट्रार पद रिक्त छ । रजिष्ट्रार नियुक्तिमा कानूनी र प्रक्रियागत समस्या नभए पनि नियुक्तिमा ढिलाइ भइरहेको हो ।


Advertisment

विश्वविद्यालयको ऐनले उपकुलपतिको सिफारिसमा कुलपतिले रजिष्ट्रार नियुक्त गर्ने व्यवस्था छ । उपकुलपति प्रा. डा. सुवर्णलाल बज्राचार्यले खुला प्रतिस्पर्धा गराई मूल्याङ्कनबाट रजिष्ट्रार नियुक्तिका लागि डा. तिलकराम आचार्यको नाम सिफारिस गरेका थिए । आचार्य पूर्वरजिष्ट्रार हुन् । 


Advertisment

उपकुलपतिले वैशाख ८ गते नाम सिफारिस गरे पनि कुलपति रहेका प्रधानमन्त्री पुष्पकमल दाहाल प्रचण्डले अझैसम्म नियुक्त गरेका छैनन् । यसबीचमा प्रधानमन्त्रीले मध्यपश्चिम र पूर्वाञ्चल विश्वविद्यालयको उपकुलपति नियुक्त गरेका छन् । विश्वविद्यालयमा शैक्षिक तथा प्रशासनिक कार्य सञ्चालनको जिम्मेवारी रजिष्ट्रारको रहेको हुन्छ । तर, रजिष्ट्रार समयमै नियुक्त नगर्दा विश्वविद्यालयको कार्य प्रभावित भइरहेको विश्वविद्यालयले जनाएको छ ।

पहिलो नम्बरमा सिफारिस भएका व्यक्तिलाई रोकेर पाँचौं नम्बरका व्यक्तिलाई नियुक्ति दिन केही व्यक्तिहरू शिक्षा मन्त्री तथा प्रधानमन्त्री कार्यालयमा पुगेको स्रोत बताउँछ । 

रजिष्ट्रारको नियुक्ति रोक्न ब्योम कुशुम बुद्ध धर्म संघका प्रतिनिधि मुकुन्द विष्टले सक्रियता देखाएको स्रोतको दाबी छ ।  उनको नेतृत्वमा धर्माेदय सभाका उपाध्यक्ष केशवमान शाक्य, महासचिव सागरमान बज्राचार्यसहितका व्यक्तिहरू शिक्षा मन्त्रालय, प्रधानमन्त्री कार्यालय धाइरहेको बताइएको छ । 

शिक्षा, विज्ञान तथा प्रविधि मन्त्री सुमना श्रेष्ठका स्वकीय सचिव कृष्णहरि पौडेलले भने मन्त्रीले बोलाएका कारण उनीहरू मन्त्रालय आएको जिकिर गरे । विश्वविद्यालयको विकासमा कुनै योगदान नगरेका धार्मिक संस्थामा जोडिएका व्यक्तिहरूले नै पदाधिकारी नियुक्तिदेखि तल्लो तहका पदीय नियुक्तिमा अनावश्यक प्रभाव पार्दै आइरहेको विश्वविद्यालयका एक प्राध्यापकले बताए । 

यसअघि विश्वविद्यालयको उपकुलपति नियुक्तिमा अवरोध सिर्जना गरिँदा सात महिनापछि मात्रै विश्वविद्यालयले उपकुलपति पाएको थियो ।  हाल उपकुलपति नियुक्त भएका प्रा.डा. सवर्णलाल बज्राचार्य थेरबाद पृष्ठभूमिका मानिन्छन् । उनको नियुक्ति रोक्न खोजेका व्यक्तिहरू नै रजिष्ट्रार नियुक्तिमा अवरोध गर्न प्रधानमन्त्री कार्यालय र शिक्षा मन्त्रालयमा पुगेको बताइएको छ । 

मूल्याङ्कनका लागि राष्ट्रिय योजना आयोगका सदस्य डा. रमेश चन्द्र पौडेलको अध्यक्षतामा मध्यपश्चिम विश्वविद्यालयका पूर्व उपकुलपति प्रा.डा. उपेन्द्र कुमार कोइराला र शिक्षाविद् प्रा.डा. पुष्कर बज्राचार्य सदस्य रहेको समिति गठन गरिएको विश्वविद्यालयले जनाएको छ । मूल्याङ्कन समितिले गरेको अन्तवार्ता तथा विश्वविद्यालयको सोच पत्रको अन्तिम मूल्याङ्नबाट आचार्यले सबैभन्दा धेरै अंक पाएका थिए । 

विश्वविद्यालय स्रोतका अनुसार उनले एक सय पूर्णांकमा ८० अंक पाएका छन् । दोस्रो स्थानमा रहेका प्रा. डा. नरेन्द्र कटुवालको ६३ अंक छ । विश्वविद्यालयको बेरुजु फछ्र्याैटमा उत्कृष्ट भएको मुख्यसचिव नेतृत्वको बेरुजु फछ्र्याैट समितिले उनलाई तीन पटक पुरस्कृत गरेको थियो । उनी  रजिष्ट्रार अफ द इयरबाट समेत सम्मानित भएका थिए । मूल्याङ्कन समितिले उम्मेद्वारको दीर्घकालीन दृष्टिकोण तथा अन्तर्वार्ताका आधारमा मूल्याङ्कन गरिएको जनाएको छ । विश्वविद्यालय २० वर्षअघि स्थापना भएको हो ।

कात्तिक २०, २०८०

‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...

कात्तिक २०, २०८०

जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...

कात्तिक २१, २०८०

गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ ।  बाँचेकाहरू शोक र पीडामा छन् ।  ...

कात्तिक १८, २०८०

जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...

कात्तिक २०, २०८०

शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए ।​​ सोमवार अपरान्ह उनको शव लिएर मलामी...

कात्तिक १८, २०८०

भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...

को होला त्यो ?

को होला त्यो ?

असार ८, २०८१

जीवन बनायो कसले, जगत् बसायो कसले ? अनि यिनलाई चलायो कसले, बोलायो कसले ? तर्क आ–आफ्नै हुन्छन्, हुन सक्छन् । कसैले केही भन्लान्, कसैले केही । वेद भन्छ– ‘एकं सद् विप्रा बहुधा वदन्ति ।’ अर्था...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

x