०३ साउन २०८३, आइतबार
एयर इन्डिया फ्लाइट एआई १७१ को दुर्घटनास्थलबाट संकलन गरिएको ब्ल्याक बक्सको विवरण विश्लेषण शुरू भएको छ । उक्त विमान २०२५ जुन १२ मा अहमदाबादबाट उडान भरेको केही समयमै दुर्घटनाग्रस्त भएको थियो ।
सरकारका अनुसार, अन्तर्राष्ट्रिय मापदण्डअनुसार प्रारम्भ गरिएको औपचारिक अनुसन्धानको भागस्वरूप ककपिट भ्वाइस रेकर्डर (सीभीआर) र फ्लाइट डाटा रेकर्डर (एफडीआर) दुवै उपकरण पुनः प्राप्त गरिएका छन् ।
ककपिट भ्वाइस रेकर्डर १३ जुनमा एक घरको छतबाट र फ्लाइट डाटा रेकर्डर १६ जुनमा भग्नावशेषबाट फेला परेको थियो ।
दुवै उपकरणहरू जुन २४ मा भारतीय वायुसेनाको विमानमार्फत पूर्ण सुरक्षा व्यवस्थासहित दिल्ली ल्याइएको सरकारले जानकारी दिएको छ ।
उक्त दुर्घटनामा २७२ जनाको मृत्यु भएको थियो ।
