संयुक्त अरब इमिरेट्स (यूएई) मा जारी आईसीसी क्रिकेट विश्वकप लिग–२ शृंखलाको आफ्नो पहिलो खेलमा आइतबार अमेरिकाले दिएको चुनौतीपूर्ण लक्ष्य पछ्याउँदै जवाफी ब्याटिङमा ओर्लिएको नेपालले तेस्रो विकेट गुमाएको छ ।

नेपालले तेस्रो विकेटका रुपमा ओपनर आसिफ शेखलाई गुमाएको हो । विकेटकिपर ब्याट्सम्यान असिफ शेख ३७ रन बनाउँदै पेभेलियन फर्किए । उनले ३९ बलमा एक छक्का र चार चौका हिर्काए । उनलाई हरमित सिंहले साइतेजा मुक्कमलाद्वारा क्याच गराए ।

१६औँ ओभरको दोस्रो बलमा उनी आउट हुँदा नेपालले ६९ रन बनाएको छ । दुबई इन्टरनेशल क्रिकेट स्टेडियममा टस हारी पहिले ब्याटिङको निम्तो पाएको अमेरिकाले निर्धारित ५० ओभरमा ६ विकेट गुमाएर दुई सय ६२ रन बनाएको थियो ।