०३ साउन २०८३, आइतबार
असंख्य क्रिकेटप्रेमीले अधैर्यतापूर्वक प्रतिक्षा गरिरहेको नेपाल प्रिमियर लिग (एनपीएल) क्रिकेट प्रतियोगिताको दोस्रो संस्करण आज सोमबारदेखि काठमाडौंमा शुरू हुँदैछ ।
पहिलो संस्करणझैं एनपीएलको दोस्रो संस्करणका खेल पनि कीर्तिपुरस्थित त्रिभुवन विश्वविद्यालयको अन्तर्राष्ट्रिय क्रिकेट मैदानमा खेलाइने छ ।
प्रतियोगिताको उद्घाटन खेल सोमबार साविक विजेता जनकपुर बोल्ट्स र काठमान्डु गोर्खाजबीच खेलिने छ । उद्घाटन खेल दिउँसो ४ बजे शुरू हुनेछ ।
अघिल्लो संस्करणको फाइनलमा जनकपुर बोल्ट्सले सुदूरपश्चिम रोयल्सलाई पाँच विकेटले हराउँदै उपाधिमाथि कब्जा जमाएको थियो ।
यसपटक दर्शकका लागि केही सुखद् पक्ष पनि छन् । अघिल्लो संस्करण खुलाचौरमा बसेर एनपीएल हेरेका समर्थकले दोस्रो संस्करणको मजा भने प्यारापिटमै बसेर लिन पाउने छन् ।
यसका अतिरिक्त, त्रिवि क्रिकेट मैदानमा फ्लड लाइट (राति खेल खेलाउन कृत्रिम प्रकाश) पनि जडान गरिएको छ । सम्भवत: दोस्रो संस्करणका केही खेल फ्लड लाइटमा खेलाइने छ ।
नेपाल क्रिकेट संघ (क्यान)ले दोस्रो संस्करणको खेल तालिका पनि सार्वजनिक गरिसकेको छ । खेल तालिकाले पनि केही खेल फ्लड लाइटमा खेलाइने झल्को दिएको छ ।
प्रतियोगितामा जनकपुर बोल्ट्स, सुदूरपश्चिम रोयल्स, काठमान्डु गोर्खाज, विराटनगर किङ्स, चितवन राइनोज, लुम्बिनी लायन्स, पोखरा एभेन्जर्स र कर्णाली याक्स गरी आठ टोली सहभागी छन् ।
सहभागी टोली पनि प्रतियोगिताका लागि तयार देखिएका छन् । अक्सनमार्फत् खेलाडी खरिद गरेका क्लबले विदेशी खेलाडी पनि भित्र्याइसकेका छन् ।
यसैगरी, प्रतियोगिताको नियम अनुसार, सहभागी क्लबले ‘ट्यालेन्ट हन्ट’मार्फत् पनि खेलाडी चयन गरिसकेका छन् । समग्रमा दोस्रो संस्करणका लागि सबै क्लब तयार अवस्थामा छन् ।
प्रतियोगिताको पहिलो दिन एक खेलमात्र हुनेछ भने दोस्रो दिन दुई खेल खेलाइने छ । दोस्रो दिनको पहिलो खेल चितवन राइनोज र कर्णाली याक्सबीच बिहान ११:४५ बजे शुरू हुनेछ ।
दोस्रो दिन मंगलबारको दोस्रो खेल भने दिउँसो ४ बजे शुरू हुनेछ । खेल तालिका अनुसार, प्रतियोगिताको फाइनल मंसिर २७ गते शनिबार खेलाइने छ ।
प्रतियोगिताको लिग चरणको खेल मंसिर २१ गतेसम्म चल्नेछ । लिग चरणको अन्तिम खेल कर्णाली याक्स र जनकपुर बोल्ट्सबीच खेलाइने छ ।
त्यसपछि, मंसिर २३ गते पहिलो क्वालिफयार खेलाइने छ । मंसिर २४ गते एलिमिनेटर खेल हुनेछ । मंसिर २५ गते दोस्रो क्वालिफायर खेल खेलाइने छ ।
नेपाल क्रिकेट संघ (क्यान)ले प्रतियोगिताको सम्पूर्ण तयारी पूरा भइसकेको जनाएको छ । यसपटक प्रतियोगिताको विजेता टोलीले एक करोड १० लाख रूपैयाँ नगद पुरस्कार प्राप्त गर्नेछ ।
यसैगरी, उप–विजेता टोलीले ५१ लाख रूपैयाँ नगद पुरस्कार हात पार्नेछ । तेस्रो स्थान हासिल गर्ने टोलीले २५ लाख र चौथो हुने टोलीले १५ लाख रूपैयाँ पुरस्कार हात पार्नेछन् ।
खेलाडीलाई व्यक्तिगत रूपमा प्रदान गरिने पुरस्कार राशीको बारेमा भने पछि घोषणा गरिने क्यानले जनाएको छ । अघिल्लो संस्करणमा पनि विजेतालाई यति नै पुरस्कार राशी प्रदान गरिएको थियो ।
क्यानले दोस्रो संस्करणमा प्रायोजक, टिकट बिक्री, ओटीटी प्रसारण अधिकार बिक्रीलगायतबाट ३० देखि ४० करोड रूपैयाँसम्म आम्दानी गर्ने विश्वास लिएको छ ।
सहभागी टोलीबाट करिब नौ करोड रूपैयाँ जुटेको छ । ओटीटी प्रसारण अधिकारबाट पनि पाँच करोड ३० लाख रूपैयाँ प्राप्त हुने बताइएको छ ।
दोस्रो संस्करणमा क्यानले यसलाई आम्दानीको मुख्य श्रोत मानेको छ । टिकट बिक्रीबाट कम्तीमा आठ करोडदेखि अधिकतम १२ करोड रूपैयाँसम्म उठाउने अनुमान गरिएको क्यानले जनाएको छ ।
यसका अतिरिक्त, मुख्य प्रायोजक र अन्य प्रायोजकबाट १५ करोड ३० लाख रूपैयाँ प्राप्त हुने बताइएको छ ।
दोस्रो संस्करणमा सहभागी टोलीको अवस्था निम्न अनुसार रहेको छ :
जकपुर बोल्ट्स
अघिल्लो संस्करणको अवस्था : जनकपुर बोल्ट्स प्रतियोगिताको साविक विजेता हो । जनकपुर बोल्ट्सले फाइनलमा सुदूरपश्चिम रोयल्सलाई पाँच विकेटले हराएको थियो ।
कप्तान र प्रशिक्षक : यसपटक जनकपुर बोल्ट्सका कप्तान अनिल साह हुन् । जनकपुर बोल्ट्सको प्रमुख प्रशिक्षक भने वेस्ट इन्डिजका पूर्वखेलाडी शिवनारिन चन्द्रपौल हुन् ।
नेपाली खेलाडी : जनकपुर बोल्ट्सको टोलीमा विकास आग्री, सचिन भट्ट, शुभ कंसाकार, आदित्य महता, किशोर महतो, ललित राजवंशी, आसिफ शेख, रुपेश सिंह, तुलबहादुर थापा र मायान यादव रहेका छन् ।
विदेशी खेलाडी : जनकपुर बोल्ट्समा विदेशी खेलाडीका रूपमा अमेरिकाका सञ्जय कृष्णमुर्थी, नामिबियाका जन निकोल लफ्टी–एटन, श्रीलंकाका लाहिरु मिलन्था, दक्षिण अफ्रिकाका वायन पार्नेल, श्रीलंकाका लाहिरु समाराकुन र दक्षिण अफ्रिकाका इमरान ताहिर रहेका छन् ।
खेल तालिका :
० जनकपुर बोल्ट्सविरुद्ध काठमान्डु गोखार्ज : मंसिर १ गते (१६:०० बजे)
० जनकपुर बोल्ट्सविरुद्ध विराटनगर किङ्स : मंसिर ८ गते (११:४५ बजे)
० जनकपुर बोल्ट्सविरुद्ध पोखरा एभेन्जर्स : मंसिर ११ गते (१६:०० बजे)
० जनकपुर बोल्ट्सविरुद्ध सुदूरपश्चिम रोयल्स : मंसिर १३ गते (१५:३० बजे)
० जनकपुर बोल्ट्सविरुद्ध चितवन राइनोज : मंसिर १६ गते (११:४५ बजे)
० जनकपुर बोल्ट्सविरुद्ध लुम्बिनी लायन्स : मंसिर १९ गते (१६:०० बजे)
० जनकपुर बोल्ट्सविरुद्ध कर्णाली याक्स : मंसिर २१ गते (१५:३० बजे)
सुदूरपश्चिम रोयल्स
अघिल्लो संस्करणको अवस्था : सुदूरपश्चिम रोयल्स पहिलो संस्करणको उप–विजेता हो । सुदूरपश्चिम रोयल्सको टोली फाइनलमा जनकपुर बोल्ट्ससँग पाँच विकेटले पराजित भएको थियो ।
कप्तान र प्रशिक्षक : सुदूरपश्चिम रोयल्सको कप्तानमा दीपेन्द्रसिंह ऐरी हुन् । सुदूरपश्चिम रोयल्सको प्रमुख प्रशिक्षक भने जगत टमटा हुन् । जगत नेपाली राष्ट्रिय क्रिकेट टोलीका पूर्वप्रशिक्षक पनि हुन् ।
नेपाली खेलाडी : सुदूरपश्चिम रोयल्सको टोलीमा विनोद भण्डारी, अविनाष बोहरा, दिपक बोहरा, मिलन बोहरा, हेमन्त धामी, हिक्मत महरा, इशान पाण्डे, टेक रावत, नरेन साउद, आरिफ शेख र दीपेन्द्र थापा रहेका छन् ।
विदेशी खेलाडी : सुदूरपश्चिम रोयल्सको विदेशी खेलाडीमा अस्ट्रेलियाका जोसुआ ब्राउन, न्युजिल्यान्डका स्कट कुगेलेइन, अस्ट्रेलियाका क्रिस लिन र अमेरिकाका हरमित सिंह रहेका छन् ।
खेल तालिका :
० सुदूरपश्चिम रोयल्सविरुद्ध काठमान्डु गोर्खाज : मंसिर ३ गते (१६:०० बजे)
० सुदूरपश्चिम रोयल्सविरुद्ध पोखरा एभेन्जर्स : मंसिर ५ गते (१६:०० बजे)
० सुदूरपश्चिम रोयल्सविरुद्ध कर्णाली याक्स : मंसिर ८ गते (१६:०० बजे)
० सुदूरपश्चिम रोयल्सविरुद्ध लुम्बिनी लायन्स : मंसिर ११ गते (११:४५ बजे)
० सुदूरपश्चिम रोयल्सविरुद्ध जनकपुर बोल्ट्स : मंसिर १३ गते (१५:३० बजे)
० सुदूरपश्चिम रोयल्सविरुद्ध चितवन राइनोज : मंसिर १८ गते (१६:०० बजे)
० सुदूरपश्चिम रोयल्सविरुद्ध विराटनगर किङ्स : मंसिर २० गते (११:१५ बजे)
विराटनगर किङ्स
अघिल्लो संस्करणको अवस्था : पहिलो संस्करणको लिग चरणमा विराटनगर किङ्स छैटौं भएको थियो । विराटनगर किङ्सले सातमध्ये दुई खेलमा जीत र पाँच खेलमा हारको नतिजा निकालेको थियो ।
कप्तान र प्रशिक्षक : विराटनगर किङ्सको कप्तान सन्दीप लामिछाने हुन् । विराटनगर किङ्सको प्रमुख प्रशिक्षक भने श्रीलंकाका पूर्वक्रिकेटर पुबुदु दासानायके हुन् । पुबुदु नेपाली राष्ट्रिय क्रिकेट टोलीका पूर्वप्रशिक्षक पनि हुन् ।
नेपाली खेलाडी : बसिर अहमद, लोकेश बम, सुवाष भण्डारी, नरेन भट्ट, प्रतिश जीसी, नारायण जोशी, श्रवण किस्कु, साहिल पटेल, शंकर राना र सूर्य तामाङ रहेका छन् ।
विदेशी खेलाडी : विराटनगर किङ्सको विदेशी खेलाडीमा दक्षिण अफ्रिकाका फाफ डु प्लेसिस, स्कटल्यान्डका जर्ज मुन्सी, न्युजिल्यान्डका मार्टिन गप्टिल, अस्ट्रेलियाका साम हिजलेट, दक्षिण अफ्रिकाका मर्चहान्ट डे लाङ्गे र अमेरिकाका शुभम रञ्जन रहेका छन् ।
खेल तालिका :
० विराटनगर किङ्सविरुद्ध पोखरा एभेन्जर्स : मंसिर २ गते (१६:०० बजे)
० विराटनगर किङ्सविरुद्ध काठमाडान्डु गोर्खान : मंसिर ६ गते (१५:३० बजे)
० विराटनगर किङ्सविरुद्ध जनकपुर बोल्ट्स : मंसिर ८ गते (११:४५ बजे)
० विराटनगर किङ्सविरुद्ध चितवन राइनोज : मंसिर १० गते (१६:०० बजे)
० विराटनगर किङ्सविरुद्ध कर्णाली याक्स : मंसिर १२ गते (१६:०० बजे)
० विराटनगर किङ्सविरुद्ध लुम्बिनी लायन्स : मंसिर १७ गते (१६:०० बजे)
० विराटनगर किङ्सविरुद्ध सुदूरपश्चिम रोयल्स : मंसिर २० गते (११:१५ बजे)
चितवन राइनोज
अघिल्लो संस्करणको अवस्था : पहिलो संस्करणमा चितवन राइनोज एलिमिनेटर चरणमा कर्णाली याक्ससँग २१ रनले पराजित भएको थियो ।
कप्तान र प्रशिक्षक : चितवन राइनोजको कप्तान कुशल मल्ल हुन् । चितवन राइनोजको प्रमुख प्रशिक्षक भने कलाम अली हुन् । उनी चर्चित नेपाली प्रशिक्षक हुन् ।
नेपाली खेलाडी : चितवन राइनोजमा नेपाली खेलाडीका रूपमा विपिन आचार्य, कमलसिंह ऐरी, दीपक बोहरा, रिजन ढकाल, सौगात ढकाल, गौतम केसी, देव खनाल, रञ्जित कुमार, अमर रौतेला, विपिन रावल र अर्जुन साउद रहेका छन् ।
विदेशी खेलाडी : चितवन राइनोजमा विदेशी खेलाडीका रूपमा इङ्ल्यान्डमा रवी बोपरा, इङ्ल्यान्डकै डेविड मलान, युगान्डाका अल्पेश रामजानी, पाकिस्तानका सोहेल तनविर र इङ्ल्यान्डका सेफ जेब रहेका छन् ।
खेल तालिका :
० चितवन राइनोजविरुद्ध कर्णाली याक्स : मंसिर २ गते (११:४५ बजे)
० चितवन राइनोजविरुद्ध लुम्बिनी लायन्स : मंसिर ४ गते (१६:०० बजे)
० चितवन राइनोजविरुद्ध विराटनगर किङ्स : मंसिर १० गते (१६:०० बजे)
० चितवन राइनोजविरुद्ध काठमान्डु गोर्खाज : मंसिर १२ गते (११:४५ बजे)
० चितवन राइनोजविरुद्ध जनकपुर बोल्ट्स : मंसिर १६ गते (११:४५ बजे)
० चितवन राइनोजविरुद्ध सुदूरपश्चिम रोयल्स : मंसिर १८ गते (१६:०० बजे)
० चितवन राइनोजविरुद्ध पोखरा एभेन्जर्स : मंसिर २० गते (१५:३० बजे)
कर्णाली याक्स
अघिल्लो संस्करणको अवस्था : पहिलो संस्करणमा कर्णाली याक्सको टोली दोस्रो क्वालिफायर खेलमा जनकपुर बोल्ट्ससँग दुई विकेटले पराजित भएको थियो ।
कप्तान र प्रशिक्षक : कर्णाली याक्सको कप्तान सोमपाल कामी हुन् । कर्णाली याक्सको प्रमुख प्रशिक्षक भने ज्ञानेन्द्र मल्ल हुन् । उनी नेपाली राष्ट्रिय क्रिकेट टोलीका पूर्वकप्तान पनि हुन् ।
नेपाली खेलाडी : कर्णाली याक्समा नेपाली खेलाडीका रूपमा दीपक डुम्रे, अर्जुन घर्ती, गुलसन झा, युवराज खत्री, दीपेन्द्र रावत, पवन सर्राफ, विपिन शर्मा, इमरान शेख, युनिस ठकुरी र नन्दन यादव रहेका छन् ।
विदेशी खेलाडी : कर्णाली याक्सको टोलीमा विदेशी खेलाडीका रूपमा अस्ट्रेलियाका विल बोसिस्टो, स्कटल्यान्डका मार्क रोबर्ट जेम्स वाट, नेदरल्यान्ड्सका म्याक्स ओ’डड, भारतका जयकिशन कोल्सावाला, भारतकै प्रियांक पन्चाल र अफगानिस्तानका नजिबुल्लाह जदरान रहेका छन् ।
खेल तालिका :
० कर्णाली याक्सविरुद्ध चितवन राइनोज : मंसिर २ गते (११:४५ बजे)
० कर्णाली याक्सविरुद्ध लुम्बिनी लायन्स : मंसिर ६ गते (११:१५ बजे)
० कर्णाली याक्सविरुद्ध सुदूरपश्चिम रोयल्स : मंसिर ८ गते (१६:०० बजे)
० कर्णाली याक्सविरुद्ध विराटनगर किङ्स : मंसिर १२ गते (१६:०० बजे)
० कर्णाली याक्सविरुद्ध काठमान्डु गोर्खाज : मंसिर १४ गते (१५:३० बजे)
० कर्णाली याक्सविरुद्ध पोखरा एभेन्जर्स : मंसिर १६ गते (१६:०० बजे)
० कर्णाली याक्सविरुद्ध जनकपुर बोल्ट्स : मंसिर २१ गते (१५:३० बजे)
काठमान्डु गोर्खाज
अघिल्लो संस्करणको अवस्था : एनपीएलको पहिलो संस्करणमा काठमान्डु गोर्खाजको टोली काठमान्डु गुर्खाजको नामबाट सहभागी भएको थियो ।
काठमान्डु गुर्खाज लिग चरणमा पाँचौं भएको थियो । काठमान्डु गुर्खाजले सातमध्ये चार खेलमा जीत र तीन खेलमा हारको नतिजा निकालेको थियो ।
समान अंक भए पनि काठमान्डु गुर्खाजको टोली नेट रन रेटमा चितवन राइनोज र कर्णाली याक्ससँग पछि पर्दै प्ले–अफ चरणमा पुग्नबाट बञ्चित भएको थियो ।
कप्तान र प्रशिक्षक : काठमान्डु गोर्खाजको कप्तान करण केसी हुन् । काठमान्डु गोर्खाजको प्रमुख प्रशिक्षक भने भारतका मोन्टी देसाई हुन् । मोन्टी देसाई नेपाली राष्ट्रिय क्रिकेट टोलीका पूर्वप्रशिक्षक पनि हुन् ।
नेपाली खेलाडी : काठमान्डु गोर्खाजको टोलीमा नेपाली खेलाडीका रूपमा मोहम्मद आदिल आलम, साहब आलम, दीपेश कँडेल, रासिद खान, उत्तम मगर, नटराजन साह, भीम सार्की, प्रतिक श्रेष्ठ, आकाश त्रिपाठी, तुलबहादुर थापा र सन्तोष यादव रहेका छन् ।
विदेशी खेलाडी : काठमान्डु गोर्खाजले पहिलो विदेशी खेलाडीका रूपमा रिकार्डो भास्कोन्सेलोसलाई भित्राएको थियो । दक्षिण अफ्रिका जन्मिएका उनी हाल इङ्ल्यान्डमा घरेलु क्रिकेट खेल्छन् ।
अन्य विदेशी खेलाडीमा अमेरिकाका मिलिन्द कुमार, नामिबियाका जेरहार्ड इरास्मस, इङ्ल्यान्डका बेन चार्ल्सवर्थ, इङ्ल्यान्डकै जोहन सिम्पसन र भारतका सन्नी पटेल रहेका छन् ।
खेल तालिका :
० काठमान्डु गोर्खाजविरुद्ध जनकपुर बोल्ट्स : मंसिर १ गते (१६:०० बजे)
० काठमान्डु गोर्खाजविरुद्ध सुदूरपश्चिम रोयल्स : मंसिर ३ गते (१६:०० बजे)
० काठमान्डु गोर्खाजविरुद्ध विराटनगर किङ्स : मंसिर ६ गते (१५:३० बजे)
० काठमान्डु गोर्खाजविरुद्ध लुम्बिनी लायन्स : मंसिर ९ गते (१६:०० बजे)
० काठमान्डु गोर्खाजविरुद्ध चितवन राइनोज : मंसिर १२ गते (११:४५ बजे)
० काठमान्डु गोर्खाजविरुद्ध कर्णाली याक्स : मंसिर १४ गते (१५:३० बजे)
० काठमान्डु गोर्खाजविरुद्ध पोखरा एभेन्जर्स : मंसिर १८ गते (११:४५ बजे)
लुम्बिनी लायन्स
अघिल्लो संस्करणको अवस्था : एपीएलको पहिलो संस्करणमा लुम्बिनी लायन्सको टोली लिग चरणमा सबैभन्दा तल (आठौं स्थानमा) रहेको थियो । लुम्बिनी लायन्सले सातमध्ये केवल एक खेलमा जीत र ६ खेलमा हारको नतिजा निकालेको थियो ।
कप्तान र प्रशिक्षक : लुम्बिनी लायन्सको कप्तान रोहित कुमार पौडेल हुन् । उनी नेपाली राष्ट्रिय टोलीका कप्तान पनि हुन् । लुम्बिनी लायन्सका प्रमुख प्रशिक्षक भने टिनु योहान्ना हुन् । उनी भारतका पूर्वक्रिकेटर हुन् ।
नेपाली खेलाडी : लुम्बिनी लायन्समा नेपाली खेलाडीका रूपमा दिनेश अधिकारी, तिलक भण्डारी, अभिशेष गौतम, दुर्गेश गुप्ता, सन्दीप जोरा, आदिल खान, सुमित महर्जन, शेर मल्ल, दिलिप नाथ, विशाल पटेल र समिर अली रहेका छन् ।
विदेशी खेलाडी : लुम्बिनी लायन्समा विदेशी खेलाडीका रूपमा अस्ट्रेलियाका डार्शी सर्ट, इटालीका थोमस ड्राका, अफगानिस्तानका गुलबदिन नाइब, नामिबियाका रुबेन ट्रम्पलम्यान र नामिबियाकै जोहानेश जोनाथन स्मिथ (जेजे स्मिथ) रहेका छन् ।
खेल तालिका :
० लुम्बिनी लायन्सविरुद्ध चितवन राइनोज : मंसिर ४ गते (१६:०० बजे)
० लुम्बिनी लायन्सविरुद्ध कर्णाली याक्स : मंसिर ६ गते (११:१५ बजे)
० लुम्बिनी लायन्सविरुद्ध काठमान्डु गोर्खाज : मंसिर ९ गते (१६:०० बजे)
० लुम्बिनी लायन्सविरुद्ध सुदूरपश्चिम रोयल्स : मंसिर ११ गते (११:४५ बजे)
० लुम्बिनी लायन्सविरुद्ध पोखरा एभेन्जर्स : मंसिर १३ गते (११:१५ बजे)
० लुम्बिनी लायन्सविरुद्ध विराटनगर किङ्स : मंसिर १७ गते (१६:०० बजे)
० लुम्बिनी लायन्सविरुद्ध जनकपुर बोल्ट्स : मंसिर १९ गते (१६:०० बजे)
पोखरा एभेन्जर्स
अघिल्लो संस्करणको अवस्था : एपीएलको पहिलो संस्करणमा पोखरा एभेन्जर्सको टोली लिग चरणमा सातौं स्थानमा रहेको थियो । पोखरा एभेन्जर्सले सातमध्ये केवल दुई खेलमा जीत र पाँच खेलमा हारको नतिजा निकालेको थियो ।
कप्तान र प्रशिक्षक : पोखरा एभेन्जर्सको कप्तान कुशल भुर्तेल हुन् । पोखरा एभेन्जर्सको प्रमुख प्रशिक्षक भने राजिव कुमार हुन् । राजिव कुमार भारतका पूर्वक्रिकेटर हुन् ।
नेपाली खेलाडी : पोखरा एभेन्जर्सको टोलीमा नेपाली खेलाडीका रूपमा आकाश चन्द, सन्दीप क्षेत्री, तृतराज दास, सागर ढकाल, दिनेश खरेल, विपिन खत्री, अर्जुन कुमाल, कृष्ण पौडेल, किरण ठगुन्ना र अभिषेख तिवारी रहेका छन् ।
विदेशी खेलाडी : पोखरा एभेन्जर्सको टोलीमा विदेशी खेलाडीका रूपमा इङ्ल्यान्डका एडम रोसिङ्टन, इङ्ल्यान्डकै डन डाउथवेट, न्युजिल्यान्डका जिम्मी निसम र वेस्ट इन्डिजका रेमन रेफर रहेका छन् ।
खेल तालिका :
० पोखरा एभेन्जर्सविरुद्ध विराटनगर किङ्स : मंसिर २ गते (१६:०० बजे)
० पोखरा एभेन्जर्सविरुद्ध सुदूरपश्चिम रोयल्स : मंसिर ५ गते (१६:०० बजे)
० पोखरा एभेन्जर्सविरुद्ध जनकपुर बोल्ट्स : मंसिर ११ गते (१६:०० बजे)
० पोखरा एभेन्जर्सविरुद्ध लुम्बिनी लायन्स : मंसिर १३ गते (११:१५ बजे)
० पोखरा एभेन्जर्सविरुद्ध कर्णाली याक्स : मंसिर १६ गते (१६:०० बजे)
० पोखरा एभेन्जर्सविरुद्ध काठमान्डु गोर्खाज : मंसिर १८ गते (११:४५ बजे)
० पोखरा एभेन्जर्सविरुद्ध चितवन राइनोज : मंसिर २० गते (१५:३० बजे)
