पूर्वसभामुख कृष्णबहादुर महराले २० लाख रूपैयाँ नगद धरौटी बुझाएका छन् ।

उच्च अदालत पाटनको बिहीबारको आदेश बमोजिम महराको तर्फबाट काठमाडौं जिल्ला अदालतमा २० लाख रूपैयाँ नगद धरौटी बुझाइएको हो ।

काठमाडौं जिल्ला अदालतका सूचना अधिकारी दीपक कुमार श्रेष्ठका अनुसार महरालाई कारागारबाट अब काठमाडौं जिल्ला अदालतमा ल्याउने तयारी गरिएको छ । त्यहीँबाट उनले तारेख बुझेर रिहा हुनेछन् । 

उच्च अदालत पाटनका न्यायाधीशद्वय अर्जुनप्रसाद कोइराला र तेजेन्द्र प्रसाद शर्मा सापकोटाको संयुक्त इजलासले बिहीबार महरालाई २० लाख  धरौटीमा रिहा गर्न आदेश दिएको थियो । 

यसअघि महरा जिल्लाको आदेश अनुसार कारागार चलान भएका थिए ।