तराईमा अत्यधिक चिसो बढेसँगै रूपन्देहीको बुटवल उपमहानगरपालिकाले सामुदायिक तथा संस्थागत विद्यालय बन्द गर्न निर्देशन दिएको छ ।​ 

उपमहानगरपालिकाले सूचना जारी गर्दै पुस ११, १३ र १४ गते (तीन दिन) विद्यालय बन्द गर्न भनेको हो । १२ गते शनिबार हो ।

‘केही दिनदेखि बाक्लो हुस्सु र शीतलहरसँगै अत्यधिक चिसो बढेकाले विद्यार्थीहरूको स्वास्थ्यलाई मध्यनजर गर्दै तीन दिन विद्यालय बन्द गरिएको ब्यहोरा सम्बन्धित सबैका लागि अनुरोध छ,’ नगर प्रमुख खेलराज पाण्डेयद्वारा जारी सूचनामा भनिएको छ ।