०३ साउन २०८३, आइतबार
एनआईसी एसिया बैंकको सञ्चालक समितिको अध्यक्षमा अशोककुमार अग्रवाल नियुक्त भएका छन् ।
यही पुस ९ गते बसेको बैंकको सञ्चालक समितिको ७४४ औं बैठकले नेपालको बैंक तथा वित्तीय क्षेत्रमा लामो अनुभव सँगालेका अग्रवाललाई नियुक्त गरेको हो ।
नवनियुक्त अध्यक्ष अग्रवालले नेपाल राष्ट्र बैंकका गभर्नर प्राडा विश्वनाथ पौडेलबाट पद तथा गोपनीयताको शपथ समेत लिइसकेका छन् ।
उनले नेपालको बैंक, वित्तीय क्षेत्र, बीमा तथा कर्पोरेट क्षेत्रमा लामो अनुभव हासिल गर्नुका साथै सफल नेतृत्व गर्दै मुलुकको आर्थिक विकासमा विशेष योगदान पुर्याउने छन् ।
उच्च नेतृत्वदायी क्षमता, दूर दृष्टि र स्पष्ट रणनीतिका साथ दीर्घकालिन योजनामा विश्वास राख्ने उनको कार्यकालमा बैंकले महत्त्वपूर्ण उपलब्धिहरू हासिल गर्नुका साथै सफलताको थप उचाई प्राप्त गर्नुका साथै बैंकलाई प्रतिष्ठाको नयाँ शिखरमा पुर्याउने दृढ विश्वास लिएको छ ।
