२२ असार २०८३, सोमबार
इरानी राष्ट्रपति मसूद पेजेश्कियानले अमेरिकी जनतालाई सम्बोधन गर्दै एउटा पत्र लेखेका छन्, जुन उनले बुधबार सामाजिक सञ्जालमा सेयर गरेका छन्।
आफ्नो पत्रमा, इरानी राष्ट्रपतिले इरानले कहिल्यै कुनै युद्ध शुरू नगरेको उल्लेख गरेका छन् । उनको देश लामो समयदेखि कब्जा र आक्रामकताको सामना गरिरहेको उनले उल्लेख गरेका छन् ।
यो पत्र अमेरिकी राष्ट्रपति ट्रम्पले इरानको नयाँ शासनका राष्ट्रपतिले अमेरिकासँग युद्धविरामको अनुरोध गरेको दाबी गरेको केही घण्टापछि आएको हो। यद्यपि, ट्रम्पले कसलाई संकेत गर्दै थिए भन्ने कुरा स्पष्ट पारेनन्।
सामाजिक सञ्जालको एक पोस्टमा, ट्रम्पले अमेरिकाले होर्मुजको जलडमरूम खुला, स्वतन्त्र र सुरक्षित भएपछि मात्र युद्धविरामबारे विचार गर्ने बताएका छन् । 'त्यतिन्जेलसम्म, हामी इरानलाई पूर्ण रूपमा ध्वस्त पार्नेछौं वा तिनीहरूले भनेझै, यसलाई ढुङ्गे युगमा फिर्ता पठाउनेछौं !' उनले भनेका छन् ।
यद्यपि, पेजेश्कियानले आफ्नो पत्रमा युद्धविरामको कुनै उल्लेख गरेनन्। उनले इरानी जनताको अमेरिका, युरोप वा छिमेकी देशहरूप्रति कुनै दुष्ट इच्छा नभएको स्पष्ट पारेका छन् । टकराव र संवादबीचको निर्णयले भावी पुस्ताको भविष्य निर्धारण गर्ने उनको भनाइ छ ।
