०८ साउन २०८३, शुक्रबार
भारतको बंगालका २९३ सिटमा भएको विधानसभा चुनावको मतगणना भइरहेको छ । मतगणनाको प्रारम्भिक प्रवृत्तिले भाजपाको बहुमत देखाएको भारतीय सञ्चार माध्यमहरूले जनाएका छन् ।
भाजपा १५९ सिटमा अगाडि छ र तृणमूल कङ्ग्रेस ११७ सिटमा अगाडि छ । अहिलेसम्म, भाजपाले ४५ प्रतिशत मत प्राप्त गर्ने अनुमान गरिएको छ, जबकि तृणमूल कङ्ग्रेसले ४२ प्रतिशत मत प्राप्त गर्ने अनुमान गरिएको समाचारमा उल्लेख छ । भाजपाले पार्टीले गत पटकको तुलनामा ८२ सिट बढी जित्ने अनुमान गरिएको छ ।
ममता बनर्जी भवानीपुर सिटमा अगाडि छिन् । शुभेन्दु अधिकारी पछाडि छन् । प्रधानमन्त्री नरन्द्र मोदीले झलमुरी खाने क्षेत्रमा भाजपा चारै सिटमा अगाडि छ । यी सिटहरू झारग्राम, बिनपुर, गोपीबल्लभपुर र नयाग्राम हुन्।
२०२१ को तुलनामा यस पटक भाजपाको भोट शेयर लगभग ६ प्रतिशत बढी देखिन्छ ।
यसैबीच, भाजपा नेता शुभेन्दु अधिकारीले पश्चिम बंगालमा भाजपाले सरकार बनाउने दाबी गरेका छन्। अधिकारीले दुई निर्वाचन क्षेत्रबाट चुनाव लडेका थिए । भाजपाले उनलाई नन्दीग्रामबाट उम्मेदवार बनाएको छ र भवानीपुरमा मुख्यमन्त्री ममता बनर्जीलाई पनि चुनौती दिइरहेको छ ।
