२२ असार २०८३, सोमबार
संसद्मा प्रधानमन्त्री उपस्थित भएर सरकारका नीति तथा कार्यक्रममाथि उठेका प्रश्नको जवाफ दिनुपर्ने माग राख्दै विपक्षी दलको अवरोधका कारण बुधवार स्थगित प्रतिनिधि सभा बैठक सुचारु भएको छ ।
बिहीबार प्रतिनिधि सभामा सरकारका नीति तथा कार्यक्रममाथिको छलफल प्रारम्भ भएको हो ।
प्रधानमन्त्री उपस्थित नहुँदासम्म संसद् चल्न नदिने बताएका विपक्षी मत्थर भएसँगै नीति तथा कार्यक्रममाथि छलफल शुरू भएको हो ।
संसद् सुचारु भएपछि नेकपा एमालेका सांसद गणेशसिंह ठगुन्नाले सरकारका नीति तथा कार्यक्रममाथि संशोधन पेश गरेका छन् ।
विपक्षी सांसदका ३० वटा संशोधन रहेका छन् । संशोधनकर्ता सांसदलाई ५ मिनेटको समय दिइएको छ ।
त्यसपछि सरकारका नीति तथा कार्यक्रममा छलफल हुने र सरकारको तर्फबाट जवाफ दिने संसदको कार्यसूची छ । बिहीबारकै बैठकमा अर्थमन्त्री स्वर्णिम वाग्लेले बजेटका सिद्धान्त र प्राथमिकता पेश गर्ने तयारी छ ।
