२१ जेठ २०८३, बिहीबार
नेपाली टोलीका ओपनर ब्याट्सम्यान कुशल भुर्तेलले टी–२० अन्तर्राष्ट्रिय क्रिकेटमा अर्को अर्धशतक बनाएका छन् ।
उनले सिंगापुरमा जारी एसियाली खेलकुदको पुरुष छनोट क्रिकेट प्रतियोगितामा बिहीबार मलेसियाविरुद्ध अर्धशतक बनाएका हुन् ।
उनले २५ बलमा दुई छक्का र आठ चौकाको मद्दतले अर्धशतक पूरा गरेका हुन् । २९ वर्षीय कुशलले टी–२० अन्तर्राष्ट्रिय क्रिकेटमा बनाएको यो १५ औं अर्धशतक हो ।
यही प्रतियोगिताको चीनविरुद्धको खेलमा उनले शतक बनाएका थिए । त्यो खेलमा उनले केवल ४३ बलको सामना गरी १६ छक्का र पाँच चौका हिर्काएका थिए । यो ढाँचाको क्रिकेटमा उनले दुईवटा शतक प्रहार गरेका छन् ।
मलेसियाविरुद्धको खेलमा टस हारी पहिले ब्याटिङको निम्तो पाएको नेपालले ७.३ ओभरमा कुनै पनि विकेट नगुमाई एक सय १२ रन बनाएको छ । आसिफ शेख ५६ रन बनाउँदै क्रिजमा छन् ।
