एनसेल प्राइभेट लिमिटेडले मनोरञ्जनले भरीपूर्ण ‘एनसेल मेला २०७६’ बुटवलका सिद्धेश्वरी स्कूल मैदान दीपनगरमा शनिवार आयोजना गर्ने भएको छ ।

मेला एनसेलले आफ्नो ब्राण्डको सार ‘आज, भोलि, सधै सँगै’को अनुरुप नेपाल भ्रमण वर्ष २०२० लाई सघाउ पुर्‍याउँदै आन्तरिक पर्यटन प्रवद्र्धन गर्ने लक्ष्यका साथ आयोजना गर्दैछ ।

चर्चित कलाकार तथा सांगीतिक समूहको प्रस्तुती, किड्स जोन, गेम स्टल, फूड स्टल विभिन्न फिजिकल एक्टिभिटी बुथ, स्थानीय पर्यटन गन्तव्यको प्रवद्र्धन र एनसेलका विभिन्न सेवा तथा सुविधामा आर्कषक अफर र उपहारहरू मेलामा समावेश गरिएका छन् । मेला ११ बजे शुरू भई कन्सर्टसहित साँझ ६ बजे आयोजना हुनेछ । 

मेलामा प्रवेश निःशुल्क हुनेछ र थुप्रै गेम स्टलमा दर्शकले मनोरञ्जन लिनुका साथै विभिन्न पुरस्कार पाउन सक्नेछन् । मेलामा आउने सबै उमेर समूहका दर्शकको मनोरञ्जनलाई ध्यानमा राखी विभिन्न कार्यक्रमहरू समावेश गरिएका छन् । 

चर्चित कलाकार तथा सांगीतिक समूहको सांगीतिक प्रस्तुती, बालबालिकाका मनोरञ्जनका विविध गतिविधि तथा गेम स्टल, विदेशी कलाकारको सुटिङ स्टार एक्ट, थिम गेमहरू र ओकुलस भर्चअल जोन यो मेलाको केही आकर्षण हुन् । 

मेलामा गायकहरू दिपक बज्राचार्य र रिदम ब्याण्ड, आशिष राना (लाउरे), कालिप्रसाद बास्कोटा, मेलिना राई, टीका प्रसाई, कलाकार प्रियंका कार्कीले आफ्नो प्रस्तुती राख्दै दर्शकलाई मनोरञ्जन प्रदान गर्नेछन् । मेलाको उद्घोषण कलाकार रेमन दास श्रेष्ठ र साहना बज्राचार्यले गर्नेछन् ।

किड्स जोनमा पेन्टिङ, प्लेडो, लेगो, प्री गो होभर बोर्ड, मिनी गो कार्ट, पोगो स्टिक, इन्फ्लेटेड क्यासल, डक फिसिङ्ग र एङ्ग्री बर्ड लगायतका विभिन्न रमाईला गेभ तथा गतिविधि हुनेछन् । युवाका लागि पनि विभिन्न आकर्षक गेमहरूजस्तै पेनाल्टी किक, ब्यालेन्स द ह्याङ्गर, नि ट्रेम्बलर, स्नुकर प्रो र अन्य थुप्रै कार्यक्रमहरु रहनेछन् । 

मेलामा आगन्तुकले एनसेलको फोरजी र अरु प्रोडक्टका थिम गेमहरुको मजा लिँदै आकर्षक पुरस्कारहरू जित्न सक्नेछन् र कम्पनीले प्रदान गर्दै आएको सेवा तथा सुविधाबारे पनि जानकारी लिन सक्नेछन् । 

दर्शकले मेलामा नै आवश्यक कागजात बुझाई फोरजी सिम खरिद गर्न तथा आफ्नो पुरानो सिमलाई फोरजी सिममा अपग्रेड पनि गर्न सक्नेछन् । एनसेलका ग्राहकले मेला सम्बन्धी थप जानकारीका लागि १७१३३ मा डायल पनि गर्न सक्छन् ।