ग्रेटा थनबर्गले स्विट्जरल्यान्डको डाभोसमा आयोजना भइरहेको विश्व आर्थिक मञ्चमा सम्बोधन गर्दै जलवायु परिवर्तनको सामना गर्नका लागि विश्वनेताहरूले खासै केही पनि नगरेको बताएकी छन् । 

यी १७ वर्षीया किशोरीले मंगलवार सम्मेलनको उद्घाटन सत्रमा दिगोपन विषयमा किशोर अभियन्ताहरूको प्यानलमा यो कुरा राखेकी हुन् । 

लगातार दोस्रो वर्ष ग्रेटा डाभोसमा देखिएकी हुन् । उनको सम्बोधनपछि अमेरिकाका राष्ट्रपति डोनल्ड ट्रम्पले कीनोट सम्बोधन दिने कार्यक्रम छ । ट्रम्प जलवायु परिवर्तनमा विश्वास गर्दैनन् । 

प्यानल डिस्कसनमा थनबर्गले पहिलेभन्दा धेरै मानिस वातावरणीय समस्याका बारेमा सचेत भएको बताइन् । 

तर सीओ२ उत्सर्जन घटाउने लगायत संसारको समस्यालाई सामना गर्न खासै ठोस कदम नचालिएको उनले थपिन् ।

एजेन्सी