दाङमा १५ वर्षीया किशोरीलाई बलात्कार गरेको आरोपमा एक जना पक्राउ परेका छन् ।

पक्राउ पर्नेमा तुलसीपुर उपमहानगरपालिका १३ साजखुटी वसन्तखेतका ६२ वर्षीय मानबहादुर सुनार छन् ।

उनलाई शुक्रवार बिहान पक्राउ गरिएको प्रहरीले जनाएको छ ।

सुनारले ती किशोरीलाई बिहीवार दिउँसो जबरजस्ती करणी गरेको भन्ने उजुरी प्रहरीमा परेको थियो । सोही उजुरीका आधारमा इलाका प्रहरी कार्यालय फूलबारी र तुलसीपुरबाट खटिएको प्रहरीले उनलाई
पक्राउ गरेको हो ।

थप अनुसन्धान भइरहेको प्रहरीले जनाएको छ ।