उपनिर्वाचन अन्तर्गत इलाम २ को जारी मतगणनामा एमालेका उम्मेदवार सुहाङ नेम्वाङले १९ हजार मत कटाएका छन् । उनले कांग्रेसका उम्मेदवारलाई पछि पार्दै फराकिलो अग्रता बनाएका हुन् । 

कुल ४५ हजार ९५३ सदर मत गणना हुँदा सुहाङले १९ हजार ११४ मत पाएका छन् । यस्तै कांग्रेसका उम्मेदवार डम्बर बहादुर खड्काले १२ हजार ६७५ मत पाएका छन् । 

यसैगरी स्वतन्त्र उम्मेदवार डकेन्द्र सिंह लिम्बुले ९ हजार ४१० मत पाउँदा रास्वपाका उम्मेदवार मिलन लिम्बुले ३ हजार २४२ मत पाएका छन्  ।