पौडी खेल्ने क्रममा बेपत्ता भएका बालकको शव सशस्त्र प्रहरीले फेला पारेको छ ।

पोखरा महानगरपालिका  १८ खपौदीस्थित हर्पन खोलामा पौडी खेल्ने क्रममा स्थानीय १५ वर्षीय सोनम सुवेदी आइतवार दिउँसो बेपत्ता भएका थिए ।

उनीसँगै पौडी खेल्न गएका अर्का बालकले स्थानीयमार्फत सशस्त्र प्रहरीलाई जानकारी गराएपछि सशस्त्रको गोताखोर परिचालन भएको थियो ।​

सशस्त्रका सहायक प्रवक्ता डीएसपी शैलेन्द्र थापाका अनुसार सशस्त्र प्रहरी बलको कालिका गण कास्कीबाट परिचालन भएको विशेष विपद् उद्धार एवं गोताखोर टोलीले हर्पन खोलाबाट बालकको शव निकालेको हो ।