बुुटवल – पाल्पाको तानसेनस्थित लुम्बिनी मेडिकल कलेजबाट शुक्रवार नवजात शिशुको चोरी भएको छ ।

तानसेन नगरपालिका–९ सन्ढापकी २२ वर्षीया जमुना रानाको नवजात शिशु जन्मिएको ४ घण्टामै हस्पिटलबाटै हराएको हो ।

जिल्ला प्रहरी कार्यालय पाल्पाका प्रहरी नायव उपरीक्षक कृष्णराज सापकोटाले हस्पिटलबाट शिशुु हराएको खबर आएपछि आफूूहरूले खोजी तीब्र पारेको जानकारी दिए ।

घटना भएको १५ घण्टा हुुँदा समेत प्रहरीले बच्चा र शिशुु चोरी गर्नेलाई पक्राउ गर्न सकेको छैन । रानाले शुुक्रवार दिउँसो ११ बजे छोरा जन्माएकी थिइन् । सुत्केरी जमुनाको रेखदेख गर्न उनकी आमासँगै थिइन् ।

सुत्केरी जमुना अर्धचेत अवस्थामा रहेको अवस्थामा उनकी आमा छोरीलाई ज्वानोको झोल ल्याइदिन बच्चा काखमा राखेर मेडिकल कलेजकै क्याण्टीनमा गएकी थिइन् । उनीसँगै १ जना अपरिचित महिलाले सहयोग गर्ने बहानामासँगै गएको प्रत्यक्षदर्शीले प्रहरीले बताएका छन् । ती अपरिचित महिला को हुुन् ? किन हस्पिटलमा आएकी थिइन् ? खुुल्न सकेको छैन । 

सीसीटीभी फुुटेजमा ती महिलाले बच्चा समातेर लैजाँदै गरेको देखिएको प्रहरीले जनाएको छ । ‘ज्वानोको झोल जमुनाकी आमालाई लैजानुस् भनेर ती अपरिचित महिलाले बच्चा आफूले ल्याइदिने बताएकी थिइन् तर जमुनाकी आमा सुत्केरी छोरीसँग पुग्दासमेत ती महिला बच्चा लिएर नपुगेपछि मात्र खोजी शुरू भएको थियो,’ प्रहरी नायव उपरीक्षक सापकोटाले भने, ‘जमुनाकी आमा सरासर ज्वानोको झोल लिएर छोरी भएको हस्पिटलको माथिल्लो तलातिर लागिन् । बच्चा समातेकी महिला मूूलगेटबाट बाहिरिएको हुनुपर्छ ।’

‘अहिले घटनाबारे अनुसन्धान भइरहेको छ,’ उनले भने ‘प्रहरी उपरीक्षक दीपेन्द्र जिसीकै नेतृत्वमा सुरक्षाकर्मीको टोली लुम्बिनी मेडिकल कलेज खटिएको छ ।’

सापकोटाले लोकान्तरसँग भने, ‘सीसीटीभी फुुटेजबाट प्रस्ट देखिएन । त्यो फुुटेज आज (शनिबार) काठमाडौं पठाएर विस्तृत हेरेपछि ती महिला को हुुन् पत्ता लाग्छ । त्यसपछि हामीलाई खोजी गर्न सजिलो होला ।’

आफ्नो सन्तान हराएपछि सुत्केरी राना विक्षिप्त छिन् । लुम्बिनी मेडिकल कलेजका स्टाफ, स्वयं परिवारको लापरवाहीले यस्तो घटना घटेको प्रहरीको ठम्याइ छ । शिशुको खोजी भइरहेको उनले बताए ।