शेयर बजारमा हप्ताभर साढे १८ अर्बको कारोबार

लगातार उकालो लागेको धितोपत्र बजारमा शेयर कारोबार नेप्से परिसूचकले नयाँ इतिहास कायम गरेको छ ।

हप्ताको ४ दिन बजार उच्च अंकले बढ्यो भने १ दिन सामान्य गिरावट भयो । सातामा नेप्से परिसूचक १९७.६० अंकले बढ्यो । 


Advertisement

नेपाल स्टक एक्सचेञ्जका अनुसार साताभर कूल १८० कम्पनीका ४ करोड ४९ लाख ४४ हजार ११३ कित्ता शेयर कूल १८ अर्ब ६२ करोड ६६ लाख २२ हजार ४०७ रुपैयाँमा खरिद बिक्री भए ।

साताको पहिलो दिन नेप्सेमा उच्च अंकको वृद्धि देखियो । आइतवार नेप्से झण्डै ७० अंकले बढ्यो । ‘बुलिस टे«न्ड’ देखिएको बजारमा नेप्से ६९.५६ ले वृद्धि भएर १ हजार ५०४.१४ मा पुग्यो ।


Advertisement

लामो समयपछि बजारमा आइतबार ‘सर्किट ब्रेक’समेत लगाउनुपर्‍यो । लगानीकर्ता ओइरिएर शेयरको माग उच्च भएपछि नेप्सेमा चर्को दबाब पर्न गयो । सोही कारण कारोबार शुरू भएको दोस्रो घण्टामा नै सर्किट ब्रेक लगाउनुपरेको थियो । सो दिन कूल १७८ कम्पनीका ८७ लाख ६९ हजार ५२२ कित्ता शेयर ३ अर्ब ६० करोड ८५ लाख २६ हजार ३५४ मूल्यमा खरिद बिक्री भए । 

साताको दोस्रो दिन नेप्सेमा सामान्य गिरावट आयो । सोमबार नेप्से १.९६ ले घट्यो । नेप्से झिनो अंकले घटे पनि कारोबार रकम भने ३ अर्ब माथि रह्यो । सो दिन कूल १७९ कम्पनीका कूल ८३ लाख ४८ हजार २३४ कित्ता शेयर ३ अर्ब ४१ करोड ५ लाख १६ हजार २७८ बराबरको कारोबार भए । 

सोमवार केही गतिरोध आएको बजारमा मंगलवार भने भारी सुधार देखियो । उक्त दिन नेप्से ४३.०२ ले बढ्यो । नेप्सेको उच्च अंकको वृद्धिसँगै कारोबार रकममा समेत वृद्धि भयो । कूल १८० कम्पनीका ७० लाख ५९ हजार ७१२ कित्ता शेयर २ अर्ब ९९ करोड २१ लाख ६० हजार ५२४ मूल्य बराबरको शेयर खरिदबिक्री भए । 

धितोपत्र बजारमा नेप्से परिसूचकमा उच्च वृद्धि हुनेक्रम बुधवार पनि जारी रह्यो । सो दिन नेप्से परिसूचक ५०.९३ अंक बढ्यो । बुधवार कूल १८० कम्पनीका ९९ लाख ६ हजार ९८९ किता शेयर ४ अर्ब १५ करोड ४८ लाख ८३ हजारमा कारोबार भए । 

साताको अन्तिम दिन नेप्से ३६.०५ अंकले बढेर १ हजार ६३२.१७ मा पुुगेर रोकियो । नेप्सेमा भारी वृद्धि हुँदा कारोबार रकम झण्डै साढे ४ अर्ब पुग्यो । बिहीवार कूल १८० कम्पनीका १ करोड ८ लाख ५९ हजार ६५६ कित्ता शेयर ४ अर्ब ४६ करोड ५ लाख ३६ हजार २५१ रुपैयाँमा खरिद बिक्री भए ।

कमेन्ट गर्नुहोस्