कञ्चनपुर जिल्लाको बेदकोट नगरपालिका–९ स्थित कृषि पाइलट फर्मको क्वारेन्टाइनमा राखिएका संक्रमित युवा ११ जनाको समूहमा नेपाल भित्रिएको खुलेको छ ।

जिल्ला स्वास्थ्य कार्यालय कञ्चनपुरका स्रोतव्यक्ति सिद्धराज भट्टका अनुसार ४१ वर्षीय पुरुषसहित ११ जनाको समूह भारतको उत्तराखण्डबाट कञ्चनपुरको ब्रह्मदेव नाका हुँदै नेपाल प्रवेश गरेको खुलेको छ ।

उनलाई चैत १४ गतेदेखि क्वारेन्टाइनमा राखिएको थियो । १८ जनालाई राखिएको क्वारेन्टाइनमा संक्रमित युवासहित २ जनालाई एउटै कोठामा राखिएको समेत स्रोतव्यक्ति भट्टले जानकारी दिए ।

क्वारेन्टाइनमा राखिएकामध्ये १३ जनाको थ्रोट स्वाबको नमूना चैत २० गते पठाइएको थियो । उनीबाहेक १२ जनाकोे स्वाबको नतिजा भने ‘नेगेटिभ’ आएको जनाइएको छ ।

स्वास्थ्य अवस्था सामान्य रहेका ती संक्रमितलाई शनिवार उपचारको लागि सेती प्रादेशिक अस्पतालमा ल्याइएको छ ।