फागुन २६, २०८०
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
काठमाडाैं | चैत २७, २०७६
अरनिको राजमार्ग र बीपी राजमार्ग छुट्टिने धुलिखेल चोकमा लगभग ५० जोर पुराना जुत्ता/चप्पल मिलाएर राखिएको छ ।
हातमा ग्लोभ्स लगाएका एक युवाले ती पुराना जुत्ता चप्पललाई डिसइन्फेक्सन लिक्विड छर्किरहेका छन् । अर्कोपट्टि केही युवा खाजाको प्याक तयार गरिरहेका छन् ।
एउटा टेबलमा ‘यो जुत्ताहरू तपाईं जो टाढा घरसम्म हिँडेर जाँदै हुनुहुन्छ र आवश्यक छ भने लगाएर हिँड्नु भए हुन्छ,’ लेखिएको ब्यानर छ ।
बुधबार अपराह्न धुलिखेलमा देखिएको यो दृष्य, विश्वव्यापी महामारीले ल्याएको परिस्थितिले सिर्जना गरेको अवस्थाको उपज हो ।
कोरोनका कारण लकडाउनको अवस्था सिर्जना भएपछि काठमाडौं उपत्यका छाड्दै पैदल हिँडेर पूर्वी नेपालका जिल्लास्थित घर फर्किनेहरूका लागि धुलिखेलका युवाले थालेको अभियान हो यो ।
‘पैदलै तराई जान हिँडेका गरिब तथा दीनदुःखीको खुट्टामा फित्ते चप्पल देखेपछि उनीहरूलाई घरसम्म पुग्दा चप्पलले धोका नदेओस् भनेर स्वतःस्फुर्त रूपमा चोकमा जुत्ताचप्पल राखिदिएका हौं,’ एक स्वयंसेवीले लोकान्तरसँग भने ।
बीपी राजमार्ग हुँदै तराईका जिल्लासम्म हिँडेका ३ सयभन्दा बढीले पुराना जुत्ता लिएका छन् ।
‘एकजना दाइ एक्लै खोटाङ हिँड्नुभएको रहेछ, बनेपा आउँदा जुत्ता फाटेछ, यहाँ आएर एकजोर जुत्ता पाउँदा खुशी हुँदै लैजानुभयो,’ अर्का एक स्वयंसेवीले भने ।
लकडाउनका कारण जुत्ता पसल बन्द भएपछि सर्वसाधारणहरूले फित्ते चप्पलको भरमा तराईसम्मको यात्रा तय गरेका छन् ।
‘सप्तरी, सिराहा, महोत्तरीसम्म जानेको भीड बिहानदेखि बेलुकासम्मै लाग्ने गरेको छ, अबेर रातिसम्म पनि पैदल यात्रु हिँडिरहेका हुन्छन्,’ व्यवस्थापनमा खटिएका एक युवाले भने ।
यस्तो प्रेरणादायी समाजसेवामा लागेका युवाहरू आफ्नो नाम भने खुलाउन मान्दैनन् । ‘धुलिखेलका युवाहरू लेख्दिनु, हामी प्रचार गर्न चाहँदैनौं’ स्वयंसेवामा खटिएका युवाले भने ।
निकै कर गरेपछि अर्का एक युवाले साथीको नाम खुलाए– अभिषेक श्रेष्ठ । ‘यो धुलिखेलका युवाको सामूहिक प्रयास हो, सहयोगी हातहरू धेरै छन्,’ श्रेष्ठले लोकान्तरसँग भने ।
अभिषेक लगायतका युवाले बीपी र अरनिको राजमार्ग हुँदै आफ्ना गाउँघर हिँडेका नागरिकलाई खाजाको पोका र पानीका बोत्तल पनि वितरण गरिरहेका छन् ।
‘चाउचाउ, बिस्कुट, च्युरा, दालमोठ राखिएको पोका बनाएर दिएका छौं, सबैलाई एउटा–एउटा जीवनजलको प्याकेट पनि दिएका छौं,’ अभिषेकले लोकान्तरसँग भने । युवाहरूले पुराना जुत्ता जम्मा गरेर धुलिखेल चोकमा राखेपछि स्थानीयले खाजाका लागि च्युरा, बिस्कुट, पानी निःशुल्क उपलब्ध गराइदिएका हुन् ।
‘कसैले नसोचेको विपत्ति आइलाग्यो, आफ्नो घर जानेका लागि बाटोमा अप्ठ्यारो नहोस् भनेर युवाहरूले भलो हुने काम गरे,’ धुलिखेलमा भेटिएका एक वृद्धले भने ।
बाटोमा पुराना जुत्ता तथा खानेपानी बाँड्न थालेको बिहीबार ४ दिन भएको छ । ‘पैदलै हिँडेर घर जाने क्रम नरोकिएसम्म हामीले बाटोमा सक्दो सहयोग गर्छौं,’ एक स्वयंसेवीले भने ।
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...