कर्णाली प्रदेशमा कोरोना संक्रमितको संख्या ८४६ पुगेको छ ।

शुक्रवार सुर्खेतका ४५ र दैलेखका ३८ जनामा कोरोना संक्रमण पुष्टि भएको प्रदेश सरकारको सामाजिक विकास मन्त्रालय स्वास्थ्य महाशाखा प्रमुख डा. लक्ष्मीनारायण तिवारीले जानकारी दिए ।

उनका अनुसार हालसम्म प्रदेशभरिका ८२ जना कोरोना संक्रमित निको भएर घर फर्किएका छन् ।

शुक्रवार दैलेखबाट मात्रै २२ जना घर र्फिकएका हुन ।

जिल्लाको सरस्वती मा.वी तर्ताङ्गमा निर्माण गरिएको दैलेख अस्पतालको आइसोलेसन वार्डमा उपचाररतमध्ये शुक्रबार २२ जनाले कोरोना जितेका छन् ।

शुक्रवार कोरोना जितेकाहरूको दोस्रोपटक गरिएको पीसीआर परीक्षणमा सबै रिपोर्ट नेगेटिभ आएपछि शुक्रवार नै डिस्चार्ज गरिएको दैलेख अस्पतालका प्रमुख डा. निरञ्जन पन्तले जानकारी दिए ।

कोरोना जित्नेमा जिल्लाको नारायण नगरपालिकाका २० महिने बालक पनि रहेको र कोरोना जितेर फर्किने सबै भारतबाट आएको पन्तले जानकारी दिए ।

आइसोलेसनमा उपचाररत उनीहरूको पीसीआर रिपोर्ट नेगेटिभ आएको र रोगको कुनै लक्षण नदेखिएपछि डिस्चार्ज गरिएको पन्तले बताए ।

कर्णालीमा हालसम्म कोरोनाका कारण तीन जनाको मृत्यु भइसकेको छ ।

हेर्नुहोस्, तथ्यांक :