‘द आर्ट अफ लिभिङ’ नेपालले  छैटौँ अन्तराष्ट्रिय योग दिवस विविध कार्यक्रम गरी मनाउने भएकाे छ।

हरेक वर्षको अप्रिल २१ मा मनाइने अन्तराष्ट्रिय योग दिवस यो वर्ष कोभिड–१९ महामारीले अनलाइनमार्फत मनाइँदैछ।

अप्रिल २१ अर्थात अन्तराष्ट्रिय योग दिवसको पहिलो दिन सूर्य नमस्कार स्पर्धाबाट योग सप्ताहको सुरुवात हुनेछ। सूर्य नमस्कार स्पर्धा भनेको सूर्य नमस्कारको लामो सेट अर्थात  १०८ राउण्ड सूर्य नमस्कार गर्नु हो। सूर्य नमस्कार एक राउण्डमा १२ स्टेप हुन्छन्। सूर्य नमस्कारलाई योगाको राजा पनि मानिन्छ।

दिवसकाे अवसरमा योग फोटो प्रतियाेगिता पनि हुने भएकाे छ। जसमा कुनै एउटा योग आसनको फोटो आर्ट अफ लिभिङ नेपाललाई पठाउनुपर्ने हुन्छ त्यो फोटोमा आउने प्रतिक्रिया र निर्णायक मण्डलले गर्ने निर्णयबाट उत्कृष्ट योग आसनको फोटो छानिने छ। त्यस्तै जुन २० बाट श्री श्री योगा पनि राखिएको छ । दिवसकाे अवरमा याेग शिविर पनि हुनेछ।

 ‘मानवताको लागि योग’ भन्ने नारा दिएर आर्ट अफ लिभिङले यो वर्षको योग दिवस संसारभर मनाउन लागेको हो।