नेपालमा कोरोनाभाइरस (कोभिड- १९) संक्रमितको संख्या २० हजार ७५० पुगेको छ ।

स्वास्थ्य तथा जनसंख्या मन्त्रालयद्वारा सोमवार आयोजित नियमित पत्रकार सम्मेलनमा पछिल्लो २४ घण्टामा थप ४ सय १८ जनामा संक्रमण पुष्टि भएको जानकारी दिइएको हो ।

पछिल्लो २४ घण्टामा सबैभन्दा बढी पर्सामा ७१ जनामा संक्रमण पुष्टि भएको छ । 

यसैगरी कैलालीमा ६७, सप्तरीमा ५१ र मोरङमा ४६ जनामा संक्रमण पुष्टि भएको स्वास्थ्य मन्त्रालयले जनाएको छ ।

काठमाडौं उपत्यकामा भने ५१ जना संक्रमित थपिएका छन् । जसमध्ये काठमाडौंमा ४३, भक्तपुरमा ५ र ललितपुरमा ३ जना छन् ।

कुन जिल्लामा कति थपिए ?

पर्सा    ७१
कैलाली    ६७
सप्तरी    ५१
मोरङ     ४६
काठमाडौं    ४३
महोत्तरी    ३१
धनुषा    ३०
कञ्चनपुर    १६
कास्की    ८
बाँके    ८
भक्तपुर    ५
सुनसरी    ५
झापा    ५
अछाम    ४
बारा    ४
ललितपुर    ३
सिरहा    ३
सर्लाही    २
सुर्खेत    २
दैलेख    २
रुकुमपश्चिम    २
रौतहट    २
रसुवा    १
चितवन    १
गुल्मी    १
दोलखा    १
स्याङ्जा    १
रुपन्देही    १
बर्दिया    १
दाङ    १

संक्रमितमध्ये १४ हजार ९६१ जना निको भएर घर फर्किएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।

पछिल्लो २४ घण्टामा ३ सय ५८ जना डिस्चार्ज भएको प्रवक्ता गौतमले बताए ।​

मृतकको संख्या भने ५७ छ ।