बैशाख १६, २०८१
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
भदौ ५, २०७७
करीब ५ महिनाको अवधिमा कोरोना भाइरस (कोभिड– १९)को बीमा गराउनेको संख्या ७ लाख ३८ हजारभन्दा बढी नाघेको छ ।
बीमा कम्पनीहरूको नियामक निकाय बीमा समितिको तथ्यांकअनुसार बुधवार (भाद्र ३ गते) सम्ममा ७ लाख ३८ हजार ४ सय ५८ जनाको कोरोना बीमा भएको छ ।
कोरोना बीमालेख बिक्रीमार्फत बीमा कम्पनीहरूले हालसम्म ४१ करोडभन्दा बढीको प्रिमियम (बीमा शुल्क) संकलन गरेका छन् ।
बुधवारसम्मको तथ्यांकमा ७८ हजार ८ सय ७१ बीमालेख बिक्री भएका छन्, जसबाट ४१ करोड ६२ लाख ७० हजार ९ सय ८२ रुपैयाँ संकलन भएको छ ।
अन्तर्राष्ट्रिय मुलुकमा समेत प्रचलनमा नरहेको महामारीविरुद्धको यस्तो बीमा नेपालमा वैशाख ७ गतेदेखि शुरू भएको थियो ।
महामारीको चपेटामा पर्दा कोरोना भाइरस संक्रमितलाई आर्थिक चपेटाबाट माथि उकास्न सामाजिक उत्तरदायित्व स्वरूप बीमा समितिले कोरोना बीमालेख जारी गरेको समितिका कार्यकारी निर्देशक राजु रमण पौडेलले लोकान्तरलाई बताए ।
उनी भन्छन्, ‘हामीले पहिलोपटक नवीनतम अभ्यास गरेका हौं, संक्रमित र संक्रमितको परिवारलाई आर्थिक कारणले तनाव सिर्जना नहोस् भन्ने उद्देश्यले बीमालेख जारी गरिएको हो ।’
बीमा कम्पनीहरूसँगको परामर्शमा समितिले बीमा लेख जारी गरेको थियो ।
शुरूआती चरणमा कोरोना बीमा लेख शहरी क्षेत्रमा बढी प्रयोग भयो । बिस्तारै यसले ग्रामिण भेगमा पनि बीमाको पहुँच विस्तार भयो ।
‘शुरूमा काठमाडौं उपत्यकामा बढी मात्रामा कोरोना बीमा गरियो, अहिले यसको क्षेत्र फराकिलो बनेको छ,’ उनले भने ।
सरकारको साथ
कोरोना बीमालाई सरकारले पनि महत्त्वका साथ अगाडि बढाएको छ । आर्थिक वर्ष २०७७/७८ को बजेटमा पनि कोरोना बीमालाई समेटिएको छ ।
बजेटमार्फत सरकारले कोरोना बीमामा आमनागरिकलाई ५० प्रतिशत सहुलियत दिएको छ । राष्ट्रसेवक कर्मचारीहरूको कोरोना बीमा निःशुल्क गरिएको छ भने संस्थागत बीमामा पनि सहुलियत छ ।
कोरोना बीमालाई राज्यले साथ दिएको भन्दै साउनयता बीमा गर्नेको संख्या बढेको पौडेलको भनाइ छ । उनी भन्छन्, ‘सरकारले सहुलियत दिँदा कोरोना बीमा धेरैको माझमा पुग्यो ।’
घरघरमा पुग्यो पहुँच
केही समय अगाडिसम्म बीमा क्षेत्रलाई हेर्ने दृष्टिकोण फरक थियो । जीवन बीमालाई बचतको हिस्सा सम्झन थाले पनि निर्जीवन बीमाको भने अवस्था सुध्रिएको थिएन ।
अहिले कोरोना बीमा लेख जारी भएसँगै निर्जीवन बीमा पनि घरघरमा पुगेको कार्यकारी निर्देशक पौडेल बताउँछन् ।
उनी भन्छन्, ‘कोरोना बीमा घरघरमा पुग्दा निर्जीवन बीमा पनि घरघरमा पुगेको छ, यसले दायरा फराकिलो बनाएको छ ।’
दाबी गरेको २४ घण्टामै भुक्तानी
बीमा समितिका अनुसार, संक्रमित बढेसँगै पछिल्लो समय कोरोना बीमाको दाबी भुक्तानी पनि बढ्दै गएको छ । कोरोना भाइरसको पीसीआर परीक्षण गर्दा संक्रमित देखिएमा दाबी भुक्तानी पाइन्छ ।
कोरोना बीमाको दाबी भुक्तानी पछिल्लो समय बढ्दै गएको छ । पौडेल भन्छन्, ‘परीक्षण रिपोर्ट पोजेटिभ आउनेबित्तिकै दाबी गर्नुस्, दाबी गरेको २४ घण्टा भित्रमा भुक्तानी हुन्छ ।’ समितिका अनुसार हालसम्म करीब ६ लाख रुपैयाँ बराबरको दाबी भुक्तानी भएको छ ।
महामारीमा सबै निकाय एकजुट
कोरोनाभाइरसको बीमा शुरू गर्दा बीमा कम्पनीहरू र बीमा समिति मात्र एक थिए । पछिल्लो समय सरकारले पनि यसलाई साथ दिएको छ । ‘सरकारले साथ दिँदा महामारी थेग्न सक्ने क्षमता छ, पौडेल भन्छन्, ‘पहिले कम्पनी र हामी मात्र थियौं, महामारी बढ्दै जाँदा क्षमताले धान्दैन कि भन्ने थियो, अहिले त्यस्तो छैन ।’
‘बीमा कम्पनीहरू आफैंमा सक्षम छन्,’ उनी भन्छन्, ‘यसमा पनि हामीलाई पुनर्बीमाको साथ छ, सरकारको पनि साथ छ ।’
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...