साउन ६, २०७८
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
असोज २९, २०७७
सीआईबीका एक उच्च अधिकारीलाई फोन आयो– ‘डेभिडलाई तत्काल छाडिदिनुस्, नत्र अप्ठ्यारो पर्ला !’
फोन गर्ने व्यक्ति थिए, प्रतिनिधि सभाका एक सदस्य । उनले छाडिहाल्नुस् भनेका व्यक्ति हुन्– डेभिड भनिने गुण्डा नाइके दुर्गाबहादुर श्रेष्ठ ।
‘तपाईंहरूलाई अप्ठ्यारो पर्ला, उहाँलाई छाडिदिनुस् भन्दै फोन आएको थियो,’ ती प्रहरी अधिकृतले लोकान्तरसँग भने, ‘उहाँलाई एम्बेसीले समेत क्लीन चीट दिएको छ, किन समाउनुभएको भन्नुभयो ।’
तर, डेभिडविरुद्ध आफूहरूसँग पर्याप्त प्रमाण रहेको र उजुरी समेत परेकाले छाड्न नमिल्ने जवाफ ती अधिकृतले दिए ।
श्रेष्ठले काठमाडौंको सिनामंगलमा म्यानपावर चलाउँदै आएका छन् ।
उनले सोही म्यानपावरको शाखा मलेसियामा पनि खोलेको र त्यसैमार्फत् ठगी धन्दा र गुण्डागर्दी गर्ने गरेको सीआईबीका प्रवक्ता प्रहरी उपरीक्षक (एसपी) बेलबहादुर पाण्डेले बताए ।
प्रवक्ता पाण्डेका अनुसार उनले नेपालीहरूलाई मलेसिया लैजाने र आफ्नै रेस्टुरेन्टमा काम लगाउने गरेका थिए । मलेसियाका विभिन्न स्थानमा उनको १४ वटा रेस्टुरेन्ट रहेको प्रहरीले जनाएको छ ।
आफ्नै म्यानपावरमार्फत नेपाली कामदार लैजाने र विभिन्न बहानामा उनीहरूलाई तलब कम दिने, कसैलाई दिँदै नदिने र भिसा म्याद सकिएका कामदारलाई दुःख दिने गरेको प्रवक्ता पाण्डले बताए ।
‘नेपाली कामदारलाई टुरिस्ट भिसामा मलेसिया लैजाने र त्यहाँ पुगेपछि उनीहरूलाई विभिन्न बहानामा ठगी गर्ने गरेको पाइएको छ,’ प्रवक्ता पाण्डेले भने, ‘यदि नमानेको खण्डमा प्रहरी लगाइदिने र जेलसम्म पठाएर दुःख दिने गरेको पाइयो ।’
उनको मुख्य निशानामा भिसा सकिएका कामदार पर्ने गरेका थिए । भिसा सकिएका कामदारलाई काम लगाउने, तलब नदिने र तलब मागेको खण्डमा मलेसियन प्रहरीलाई बोलाएर जेल पठाउने गरेको पीडितले प्रहरीलाई बताएको प्रवक्ता पाण्डेले बताए ।
काठमाडौंमा अलिशान बगंला
डेभिडको काठमाडौंको बाँसबारीमा साढे २ तल्लाको आलिशान बंगला छ ।
२३ आनामा बनेको बंगला उनको श्रीमती माया श्रेष्ठको नाममा रहेको छ । डेभिडकी श्रीमती माया श्रेष्ठ भुटानी हुन् ।
उनले नेपाली नागरिकता माया श्रेष्ठको नामबाट लिएको र उनको भुटानको नामा धनमाया राई रहेको अनुसन्धानमा देखिएको छ ।
सन् २००० मा रेस्टुरेन्टमा कामदारको रूपमा मलेसिया पुगेका डेभिड र भुटानी नागरिक धनमाया बीच त्यहीँ रेस्टुरेन्टमा भेट भएको थियो । उनीहरूले सन् २०११ विवाह गरेको प्रहरीको अनुसन्धानमा खुलेको छ ।
त्यसबेला एक चाइनिजले धनमायालाई उपहार स्वरूप एउटा रेस्टुरेन्ट दिएका थिए, त्यसैलाई विस्तार गर्दै उनीहरूले १४ वटा पुर्याएका रहेछन् ।
मलेसियामा समेत चिनिएका गुण्डा नाइके
सीआईबीले पक्राउ गरेका डेभिड मलेसियामा समेत चिनिएका गुण्डा नाइके भएको उनीबाट पीडित एक नेपालीले बताए ।
उनकै रेस्टुरेन्टमा काम गरेका ती नेपालीका अनुसार उनलाई मलेसियामा समेत डेभिड डनका नामले चिनिन्छ । उनले मलेसियाको प्रहरी, स्थानीय अधिकारी र नेपालको राजदूतावाससँग सम्बन्ध विस्तार गरेका छन् ।
‘उनको शरीरमा एउटा ट्याटू छ, जसले त्यहाँको गुण्डा समूहको संकेत जनाउने गर्दछ,’ उनले भने, ‘डेभिडको रेस्टुरेन्टमा आउनेहरूले यो ट्याटू हाम्रो ग्याङको हो, यसको प्रमुख डेभिड हुन् भनेका थिए ।’
उनले सल्लाहकारको रूपमा मलेसियाका पूर्व एआईजीलाई तलब दिएर राखेको प्रहरी अनुसन्धानमा खुलेको सीआईबीका एक अधिकारीले बताए ।
‘डेभिडले सल्लाहकारको रूपमा मलेसिया पुलिसका रिटायर्ड एआईजीलाई तलब दिएर समेत राखेको देखिन्छ,’ ती अधिकारीले लोकान्तरसँग भने ।
आफूविरुद्ध उजुरी पर्न लागेको अप्ठ्यारो पर्ने देखिएपछि सेटिङ मिलाउने प्रयोजनका लागि सुटुक्क नेपाल आएको प्रहरी अनुसन्धानमा खुलेको छ ।
‘अनुसन्धान गर्दै जाँदा नेपालमा पनि प्रहरीमा सेटिङ गर्न सकिन्छ कि भन्ने सोच देखिन्छ,’ ती अधिकारीले भने, ‘तर उनको त्यो प्रयास असफल भएको छ ।’
डेभिडले काठमाडौंको शेर्पा मलमा हार्ड भन्ने कपडा पसल समेत सञ्चालन गर्दै आएका छन् । उनले त्यो पसल केही समयअगाडि किनेको देखिने प्रहरीले जनाएको छ ।
सीआईबीमा डेभिडविरुद्ध ५ जना महिला र ९ जना पुरुषले उजुरी दिएका छन् ।
ललितपुर, काठमाडौं, सिन्धुपाल्चोक र चितवनका २४ वर्षीया, २९ वर्षीया, ३१ वर्षीया र २७ वर्षीया महिला तथा काठमाडौं, उदयपुर, रामेछाप, धनकुटा र झापाका ३५ देखि ४५ वर्ष उमेरका ९ पुरुषले उजुरी दिएको सीआईबीले जनाएको छ ।
मकवानपुरको मनहरि गाउँपालिका–८ हेटौंडा–नारायगढ सडकखण्डको सिमपानीमा रोकिराखेको एक ट्रकमा अवैधरूपमा ल्याइएको लागूपदार्थ गाँजा फेला परेपछि ट्रकसहित चालकलाई स्थानीय प्रहरीले नियन्त्रणमा लिएको छ...
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...