शुभकामना यातायातको साना ठुला सवारी साधनले चलाउँदै आएको विरुवा, वालकोट, कौशलटार, जडिबुटी, कोटेश्वर, बानेश्वर, थापाथली, त्रिपुरेश्वर, कालिमाटी, कलंकी, स्वयम्भु, ठुलो भर्‍याङ, बालाजु बाइपास, माछापोखरी पुगी सोहि रुट फिर्ता हुनेगरी सेवा पुर्याउदै आइरहेको रुटमा थप ४ ओटा बस सेवा संचालनमा ल्याएको छ ।  

कम्पनीका अध्यक्ष सोमनाथ काफ्ले – “सिप्रदी ट्रेडिङ प्रा.लि.बाट टाटा कम्पनीका ७१२/४२ का ३२ सिट र बस प्राप्त भएपछि हालै २०७७ साल फाल्गुण १३ गतेका दिन थप ४ वटा टाटा बस विरुवा, वालकोट, कौशलटार, जडिबुटी, कोटेश्वर, बानेश्वर, थापाथली, त्रिपुरेश्वर, कालिमाटी, कलंकी, स्वयम्भु, ठुलो भर्‍याङ, बालाजु बाइपास, माछापोखरी पुगी सोहि रुट फिर्ता हुनेगरी सेवा बिस्तार गर्ने मौका पाएका छौं । थप भएका बस सहित अब शुभकामना यातायातले ६२ वटा बस र मिनीबसबाट उपत्यकामा सेवा दिईरहेका छौं र निकट भविष्यमा टाटा मोटर्स कम्पनीका सुविधा सम्पन्न बसहरु ल्याई अझ बढी सेवाग्राहीलाई सेवा दिने उदेश्य राखेका छौं ।”   

नयाँ सेवा सुविधा सम्पन्न टाटा बसको शुभारम्भ कार्यक्रममा सूर्यविनायक न.पा. वडा नं. १ विरुवामा सूर्यविनायक नगर कार्यपालिका सदस्य तथा वडा नं. १ का वडा सदस्य अम्बिका न्यौपानेले पानसमा बत्ति बालेर बसहरूको रिबन काटेर शुरू गरेकी थिइन् ।