चुनाव नजिकिएका बेला नेताहरू मतदातालाई फकाउन के–के गर्छन् ? भारतको आसाम प्रदेशमा हुन लागेको विधानसभा निर्वाचनका लागि भारतीय कांग्रेसकी महासचिव प्रियंका गान्धी वाड्रा डोको भिरेर चिया बगानसम्मै पुगेकी छन् ।

सोमवारदेखि आसामको चुनावी अभियानमा रहेकी प्रियंका नृत्य गरिरहेको अवस्थामा समेत देखिएकी थिइन् । मंगलवार उनी चिया बगानमा पुगेकी छन् ।

आसामको तेजपुरमा हुन लागेको जनसभाअघि प्रियंकाले चिया बगानमा पुगेर महिला मजदुरसँग भोट मागेकी छन् । आसान निर्वाचनमा चिया बगान मजदुरको मुद्दा बलियो रहेको छ ।

चिया बगानबाट फर्केपछि ट्वीट गर्दै प्रियंकाले लेखेकी छन्, ‘आसामको विविधतायुक्त संस्कृति नै आसामको शक्ति हो । आसाम यात्राका क्रममा भेटिएका व्यक्तिबाट महसूस भयो कि स्थानीयहरू यो विविधतायुक्त संस्कृतिलाई बचाउन प्रतिबद्धताबाट तयार छन् । आफ्नो संस्कृति र विरासत बचाउनका लागि आसामका जनताले गरिरहेको लडाइँमा कांग्रेस पार्टी उनीहरूको साथमा छ ।’

सोमवार प्रियंकाले चुनावी अभियानकै क्रममा कामाख्या देवी मन्दिरमा पूजाआजा समेत गरेकी थिइन् । उनले स्थानीय आदिवासीसँग ट्राइबल डान्स समेत गरेकी थिइन् ।

Smt. @priyankagandhi joins tea workers at Sadhuru tea garden and tries her hand at plucking tea leaves. pic.twitter.com/3qFtbGkESF

— Congress (@INCIndia) March 2, 2021