गण्डकी प्रदेशमा शनिवार थप १४ जना कोरोना भाइरस संक्रमितको मृत्यु भएको छ ।

यससँगै प्रदेशभर हालसम्म कूल मृतकको संख्या ३५५ पुगेको छ । 

प्रदेश स्वास्थ्य निर्देशनालयका अनुसार गत २४ घण्टामा ७७० संक्रमित थपिएका छन् ।

यससँगै कूल संक्रमित संख्या २७ हजार नाघेको छ । सक्रिय संक्रमित ७ हजार ७१५ जना छन् ।

होम आइसोलेसनमा ७ हजार ६०२ जना बसिरहेका छन् ।

गत २४ घण्टामा ३०० जना निको भएर घर फर्किएका छन् । निको हुनेको संख्या १९ हजार नाघेको छ । 

कास्कीमा शनिवार १६८ जना थपिँदा सक्रिय संक्रमित संख्या ३ हजार ४९२ पुगेको छ ।