×
Bajaj Top
Khukuri
FONEPAY

काँग्रेसको निर्वाचन प्रक्रिया शुरू : सातै प्रदेशमा उत्साह

काठमाडाैं | मंसिर १६, २०७८

NTC
TVS INSIDE

नेपाली काँग्रेसले १४औँ महाधिवेशनअन्तर्गत सातवटै प्रदेशमा अधिवेशनको तयारी तीव्र पारेको छ । प्रदेश अधिवेशनका लागि बिहीबारबाट निर्वाचन प्रक्रिया शुरू हुँदैछ ।

Sanima Bank
morang Auto yamaha

काँग्रेस केन्द्रीय निर्वाचन समितिका संयोजक गोपालकृष्ण घिमिरेले सातै प्रदेशको अधिवेशनको तयारी अन्तिम चरणमा पुगेको जानकारी दिनुभएको हो ।


Advertisment
NMB BANK
RMC TANSEN
shivam island

संयोजक घिमिरेले भने, 'काँग्रेसको प्रदेश अधिवेशन पहिलो पटक हुन लागेकाले नेता–कार्यकर्ता उत्साहित भएको पाएको छु । केन्द्रीय निर्वाचन समितिले सातवटै प्रदेशमा निर्वाचन अधिकृत खटाएको छ । बिहीबारदेखि अधिवेशनको कार्यक्रम शुरू हुन्छ ।'

समितिका अनुसार १६५ प्रतिनिधि सभा क्षेत्रबाट निर्वाचित महाधिवेशन प्रतिनिधि र ३३० प्रदेश सभा क्षेत्रबाट निर्वाचित प्रदेश अधिवेशन प्रतिनिधिहरूले आ–आफ्नो प्रदेशको नेतृत्व चयनका लागि मतदान गर्नेछन् । बिहीबार मतदाता नामावली प्रकाशन गर्ने कार्यतालिका छन् ।

Vianet communication
IME BANK INNEWS
LAxmi BAnk

शुक्रवार उम्मेदवारी दर्ता गर्ने र १८ गते मतदान हुँदैछ । काँग्रेस प्रदेश १ कार्यसमितिको नेतृत्वका लागि मोरङको विराटनगरमा अधिवेशन हुनेछ । काँग्रेस केन्द्रीय कार्यसमितिको कात्तिक २८ गतेको बैठकले केन्द्रीय सदस्य कृष्णप्रसाद सिटौलाको संयोजकत्वमा प्रदेश १ का लागि प्रदेश अधिवेशनसँग सम्बन्धित समिति गठन गरेको छ ।

अधिवेशनको तयारी भइरहेको जानकारी मोरङ काँग्रेसका सभापति डिकबहादुर लिम्बूले दिए । निर्वाचन समिति संयोजक भरतबहादुर थापाले बिहीबार दिउँसो २ बजे प्रदेश अधिवेशन उद्घाटन हुने जानकारी दिए । यस प्रदेशमा एक हजार ६७१ मतदाता छन् ।

कार्यसमितिमा सभापति, दुई उपसभापति, दुई महामन्त्री र एक महिलासहित तीन जना सहमहामन्त्री रहने छन् । उनले भने, 'अधिवेशनले पदाधिकारीसहित ८८ सदस्यीय प्रदेश कार्यसमिति निर्वाचित गर्नेछ ।'प्रदेश २ को अधिवेशन जनकपुरमा हुनेछ । प्रदेश अधिवेशन समितिका संयोजक रमेश रिजालले अधिवेशनको तयारी अन्तिम चरणमा पुगेको बताए । नेता महेशशङ्कर गिरीका अनुसार यस प्रदेशमा एक हजार ९८० मतदाता छन् ।

उनले भने, '३२ प्रतिनिधि सभा क्षेत्र र ६४ प्रदेश सभा निर्वाचन क्षेत्रबाट आउने महाधिवेशन प्रतिनिधि र प्रदेश अधिवेशन प्रतिनिधिले सभापति, दुई उपसभापति, दुई महामन्त्री, एक महिलासहित तीन सहमहामन्त्रीको प्रदेश कार्यसमितिको नयाँ नेतृत्व चयन गर्नेछन् ।'

त्यसैगरी काँग्रेस बागमती प्रदेश अधिवेशन हेटौँडामा हुँदैछ । प्रदेश अधिवेशन समितिका संयोजक प्रकाशमान सिंहका अनुसार, अधिवेशनका लागि बागमती प्रदेशका सबै जिल्लाबाट महाधिवेशन प्रतिनिधि र प्रदेश प्रतिनिधि हेटौँडा पुग्ने क्रम जारी छ ।

काँग्रेस नेता जगदीशनरसिंह केसीले ३३ प्रतिनिधि सभा क्षेत्रका र ६६ प्रदेश सभा क्षेत्रका निर्वाचित प्रतिनिधिले भाग लिने बताए। केसीले भने, 'बागमती प्रदेशमा काँग्रेसका एक हजार ९६० मतदाता छन्। प्रदेश कार्यसमिति पदाधिकारीसहित ८१ सदस्यीय हुन्छ । त्यसमा हरेक जिल्लाबाट एक पुरुष र एक महिला अनिवार्य हुन्छ । २२ जना खुला र २६ जना समानुपातिक सदस्य रहने छन्। '

गण्डकी प्रदेश संयोजक गोपालमान श्रेष्ठले बिहीबारबाट शुरू हुने प्रदेश अधिवेशनको तयारी पूरा भएको बताए । श्रेष्ठले गोरखापत्रसँग भने, 'बिहीबार मध्यान्ह १२ः३० मा प्रदेश सभा अधिवेशन उद्घाटन हुन्छ । शुक्रबार उम्मेदवारी दर्ता गर्ने कार्यक्रम छ । '

गण्डकी प्रदेश निर्वाचन समिति संयोजक कृष्णबहादुर थापाले १८ वटा प्रतिनिधि सभा र ३६ वटा प्रदेश सभा क्षेत्रबाट निर्वाचित एक हजार १०० भन्दा बढी मतदाताले प्रदेश कार्यसमितिको नेतृत्व चयन गर्ने बताए ।

त्यसैगरी लुम्बिनी प्रदेशमा पनि अधिवेशनको तयारी भइरहेको छ । गृहमन्त्री एवं काँग्रेस केन्द्रीय सदस्य बालकृष्ण खाण प्रदेश अधिवेशनसँग सम्बन्धित समिति संयोजक रहनुभएको छ । लुम्बिनी प्रदेशका निर्वाचन संयोजक डा. बुद्धबहादुर थापाले बिहीबार बिहान १० बजे मतदाता नामावली प्रकाशन गर्ने तयारी भइरहेको बताए । उनले भने, 'मतदाता नामावली र अधिवेशनसँग सम्बन्धित निर्देशिका केन्द्रीय निर्वाचन समितिले पठाइसकेको छ, हामीले पाएपछि मात्रै मतदाता सङ्ख्या र अन्य विषय सार्वजनिक गर्छौं । '

त्यसैगरी कर्णाली प्रदेशमा पनि अधिवेशन बिहीबार शुरू हुँदैछ । प्रदेश अधिवेशन समितिका संयोजक जीवनबहादुर शाहीको संयोजकत्वमा अधिवेशनको तयारी चलिरहेको छ । काँग्रेस नेत्री रीता शाहीका अनुसार केन्द्रीय महाधिवेशन र प्रदेश अधिवेशन प्रतिनिधि गरी कर्णाली प्रदेशमा ७५० मतदाता छन् । पदाधिकारीसहित ५९ सदस्यीय प्रदेश कार्यसमिति यो अधिवेशनले चयन गर्नेछ ।

त्यसैगरी सुदूरपश्चिम प्रदेशको अधिवेशन कैलालीको धनगढीमा हुँदैछ । काँग्रेस केन्द्रीय सदस्य दिलेन्द्रप्रसाद बडूले प्रदेश अधिवेशन समितिको संयोजन गरिरहेका छन् ।

काँग्रेस नेता नरनारायण शाहका अनुसार अधिवेशनबाट सुदूरपश्चिम प्रदेशमा पदाधिकारीसहित ७१ सदस्यीय कार्यसमिति चयन गर्नेछ । १६ प्रतिनिधि सभा र ३२ प्रदेश सभा क्षेत्रबाट निर्वाचित ९७५ महाधिवेशन प्रतिनिधि र प्रदेश अधिवेशन प्रतिनिधिले सुदूरपश्चिम प्रदेश काँग्रेसको नयाँ नेतृत्व चयन गर्ने छन् । गोरखापत्र दैनिकमा अशोक अधिकारीले खबर लेखेका छन् ।

JYOTI
Kumari
TATA Below
NLIC
Mega Bottom
माघ ११, २०७८

सेलिब्रेटीहका विभिन्न क्रियाकलाप, लवाइखुवाइदेखि कहिलेकाहीँ सामान्य विषय पनि चर्चाको विषय बन्ने गर्छ ।  विभिन्न अवसरमा महँगा कपडा लगाएका कारण सेलिब्रेटीहरू चर्चामा रहने गर्छन् । नवविवाहित बलिउड अभिने...

माघ ११, २०७८

झापाको दमकस्थित सरकारी अस्पतालका चिकित्सक तथा स्वास्थ्यकर्मीहरूमा कोरोना सङ्क्रमण देखिएपछि अस्पतालको इमरजेन्सी सेवासमेत बन्द गर्नु पर्ने अवस्था आउन लागेको छ । अस्पतालको प्रयोगशालामा कार्यरत अधिकांश कर्मचारीमा कोरो...

माघ ११, २०७८

गत डिसेम्बरमा विवाह बन्धनमा बाँधिएका थिए बलिउड अभिनेत्री कट्रिना कैफ र बिक्की कौशल ।  अहिले कट्रिना माल्दिभ्समा छिन् । उनी पति बिक्की बिनै माल्दिभ्स पुगेकी हुन् ।  विवाहलगत्तै हनिमुन मनाउन माल्दिभ्...

माघ ११, २०७८

बागलुङको पश्चिम निसीखोला गाउँपालिकामा सडक पहुँच नपुग्दा दुर्गम र विकट क्षेत्रमा गनिन्थ्यो ।  अहिले मध्यपहाडी लोकमार्गको सडक सञ्जाल विस्तार भएपछि दुर्गमको परिचय बदलिएको छ । दुर्गम मानिने निसी क्षेत्र सु...

माघ ११, २०७८

सर्लाहीको दक्षिणी भेगस्थित भारतसँग सीमा जोडिएको  विष्णु  गाउँपालिकाले  प्रत्येक  परिवारलाई  ग्यास  चुलो  वितरण गर्न शुरू गरेको छ । गाउँपालिकालाई   धुवाँमुक्त  ...

माघ ११, २०७८

दुई पटककी ग्रान्डस्लाम विजेता सिमोना हालेप अस्ट्रेलियन ओपन टेनिसबाट बाहिरिएकी छन् ।  सोमवार मेलबर्नमा भएको चौथो चरणको खेलमा फ्रान्सकी अलिज कोर्नेटसँग पराजय बेहोरेपछि हालेप अस्ट्रेलियन ओपनबाट बाहिरिएकी ...

यसरी नै चलाउने हो कांग्रेसका भ्रातृ संस्था ?

यसरी नै चलाउने हो कांग्रेसका भ्रातृ संस्था ?

माघ ५, २०७८

विश्वविख्यात अर्थशास्त्री एवं कूटनीतिज्ञ चाणक्यले लक्ष्य प्राप्तिका केही प्रमुख सूत्र बताएका छन्। अरू सबैलाई तपसिलमा राख्न सकिन्छ, तर एउटा सूत्रलाई कहिल्यै पनि विस्मृत हुन दिनु हुँदैन । उनी भन्छन्, 'मानिसको सबैभ...

अविकास, गरीबी र कुशासनको दुष्चक्र

अविकास, गरीबी र कुशासनको दुष्चक्र

माघ ३, २०७८

‘एसियन ड्रामा’ का लेखक गुनाल मिर्डालले न्यून आम्दानी, न्यून उत्पादकत्व, कमजोर स्वास्थ्य अवस्था र सुविधाहीन आवासले मानिसलाई गरीबीको दुष्चक्रमा पुर्‍याउने यथार्थ व्याख्या गरेका थिए । यसलाई उल्टो रूप...

कार्बनडाइअक्साइडदेखि किम जोङ उनसम्म

कार्बनडाइअक्साइडदेखि किम जोङ उनसम्म

माघ ३, २०७८

उत्तर कोरियाली ‘सर्वोच्च नेता’ किम जोङ उनको तौल घटेपछि त्यहाँका जनताहरू चिन्ता प्रकट गर्दै सामूहिक रूपमा रोएका थिए ।  हुन त उत्तर कोरियामा हाँस्ने र ताली बजाउने काम पनि सामूहिक रूपमै हुन...