×

Nic Asia
Marvel

छानामाथि झुण्डिएको धराप

५८ वर्ष पुरानो रोपवेको जीर्ण अवशेष– सामान बोक्दैन, विद्यार्थीलाई तर्साइरहन्छ

काठमाडाैं | पुस २९, २०७८

NTC
TVS INSIDE

हेटौँडा सिमेन्ट उद्योगका लागि चुन ढुंगा ल्याउन २०२० सालमा स्थापना भएको रोपवेको जीर्ण संरचनाका कारण हेटौँडा उपमहानगरपालिका ९ स्थित त्रिवेणी आधारभूत विद्यालयका विद्यार्थी र शिक्षक जोखिममा छन् । 

IME BANK INNEWS
morang Auto yamaha

२०५६ सालदेखि बन्द रहेको यो रोपवेका जीर्ण संरचना उद्योगले २२ वर्षसम्म पनि हटाएको छैन । रोपवेका डिब्बाभित्र अहिले पनि चुन ढुंगा छन् । 


Advertisment
NMB BANK
Saurya island

लठ्ठा र खम्बाहरूमा खिया लागिसकेको छ । जुनसुकै बेला तार चुँडिएर ठूलो दुर्घटना हुन सक्ने भन्दै शिक्षक, विद्यार्थी र स्थानीयले चिन्ता व्यक्त गरिरहेका छन् । 

Vianet communication
Maruti inside

विद्यालयकी प्रधानाध्यापक सुशीला पौडेलले विद्यालयका ३ सय विद्यार्थी त्रासमै अध्ययन गर्न र शिक्षक त्रासैत्रासमा शैक्षिक क्रियाकलाप अघि बढाउन बाध्य भएको बताइन् ।

रोपवेका लठ्ठामा बाँदर झुन्डिएर आउँदा टिनको छानामाथि खस्ने गरेका छन्, जसले पठनपाठन समेत प्रभावित हुँदै आएको छ ।

‘कक्षामा पढाइरहेको समयमा टिनको छानामा बाँदर हाम्फाल्दा लठ्ठा चुँड्यो कि भनेर विद्यार्थीहरू त्रर्सिन्छन्, धेरै समयदेखि हामी त्रासमै छौं,’ उनले भनिन् । 

१ देखि ८ कक्षासम्म मात्र पढाइ हुने विद्यालयमा विद्यार्थीहरू स–साना रहेकाले पनि उनीहरू बढी जोखिममा रहेको विद्यालयका अर्का शिक्षक प्रकाश राईले बताए ।

भविष्यमा हुनसक्ने धनजनको क्षतिप्रति सम्बन्धित निकायको ध्यान नगएको उनको गुनासो छ ।

वि.सं. २०३३ सालमा स्थापना भएको हेटौंडा सिमेन्ट उद्योगले सामग्री ओसारपसारका लागि भन्दै २०२० सालबाट रोपवे सञ्चालनमा ल्याएको थियो ।

तर २०३३ सालदेखि मर्मत अभावमा पूर्ण क्षमतामा सञ्चालन हुन छोडेको रोपवे सेवाले २०५६ सालदेखि भने पूर्ण रूपमा विश्राम लियो ।

रोपवे चल्न छाडेको २२ वर्ष पूरा भइसक्यो, तर त्यसको व्यवस्थापनमा हालसम्म पनि उद्योगले खासै चासो दिएको छैन । 

रोपवेका ८ वटा टर्मिनल, ७ वटा स्टेसन र ३ सय ५३ वटा टावर थिए । ३ सय ६० वटा डब्बाबाट चुन ढुंगा आयात हुन्थ्यो । अहिले पनि रोपवेका जीर्ण लठ्ठा र डब्बाहरूमा चुन ढुंगा झुन्डिरहेका छन् ।

भैँसेदेखि हेटौँडा उपमहानगरको १, ९ र १० नम्बर वडाका स्थानीयहरू बढी जोखिममा रहेको भन्दै उद्योग प्रशासनलाई रोपवे हटाउन पटक–पटक पत्राचार गरिएपनि त्यसको सुनाई नभएको हेटौंडा १ का वडाध्यक्ष सविन न्यौपानेले बताए ।  

राज्य संघीय संरचनामा गैसक्यो । सम्बन्धित उद्योगले नहटाएमा यसलाई हटाउन प्रदेश तथा स्थानीय सरकारको पनि ध्यान जानु आवश्यक रहेको स्थानीय बताउँछन् ।

वडाध्यक्ष न्यौपाने आफूहरूले पटक–पटक ताकेता गरे पनि उद्योगले चासो नदिएको गुनासो गर्छन् ।

यता हेटौंडा सिमेन्ट उद्योगका कामु प्रबन्धक (अर्थ) रामबाबु शाहले भने जीर्ण संरचना हटाउन ३ पटक टेन्डर सूचना निकालिसकिएको जानकारी दिए । थोरै मूल्यमा टेन्डर निकालेको भन्दै उद्योग मन्त्रालयले लिलामी प्रक्रिया रोकेको शाहले बताए ।

उनका अनुसार ४ करोड  २२ लाख रुपैयाँमा १५ सय ६३ टन मेट्रिकटन फलामे सामग्री लिलाम गर्न उद्योगले १ वर्षअघि प्रक्रिया अघि बढाउन उद्योग मन्त्रालयसँग सहमति मागेको थियो । तर मन्त्रालयले अझै सहमति दिएको छैन ।

सरकार र उद्योगको हानथापका बीच स्थानीय भने जोखिम मोलेरै बस्न बाध्य छन् ।
 

TATA Below
NLIC
fman
बैशाख १९, २०७९

कञ्चनपुर, भीमदत्त नगरपालिकाका उम्मेदवारहरूको घोषणापत्र हेर्ने हो भने विकास निर्माणको काम चुट्की मै गर्छौं भन्ने देखिन्छ । तर, यस्ता लोकरिझ्याइँ मुद्दा पहिले पनि नउठाइएका भने होइनन् ।  उम्मेदवारले उठा...

बैशाख २४, २०७९

व्यस्त दरबारमार्ग । दरबारमार्गको अगाडि नारायणहिटी दरबार । नारायणहिटीको अगाडि छ दरबार मल ।  दरबार मलको माथिल्लो तलामा देख्न सकिन्छ हिमालयन जाभा कफी हाउस ।  व्यस्त दरबारमार्गमा जो कोहीले त्यो कफ...

बैशाख २१, २०७९

कैलालीको गोदावरी नगरपालिकाको अत्तरियास्थित विष्ट टोलका मतदाता नेताहरूले यसअघि गरको प्रतिबद्धता पूरा नगरेको र जनताका पक्षमा काम नगरेको भन्दै असन्तुष्ट छन् । गोडेपानी खोलाले विष्ट टोललाई बर्सेनि समस्या दिन्छ भन...

बैशाख २२, २०७९

जिउमा ब्लाउजजस्तो देखिने एकसरो पातलो र मैलो कपडा । सामान्य धोती । खुट्टामा उति नै सामान्य चप्पल । चाउरी परेको मुहार । वैशाखको ४० डिग्री तापक्रमका बीच दैनिक १२ घण्टा दाउराको आगो र धूवाँवरिपरिको बसाइले हुनसक्छ...

बैशाख २८, २०७९

सडक दुर्घटनाले मात्रै नेपालको कूल गार्हस्थ उत्पादनको करीब ०.८ प्रतिशत आर्थिक क्षति हुने अनुमान छ । सडक निर्माणकै कारण पहाडी क्षेत्रमा सबैभन्दा बढी पहिरो जाने गरेको छ । सडक बनाएकै कारण पहाडी क्षेत्रमा वार्षिक २...

बैशाख २७, २०७९

स्थानीय तह निर्वाचन रिपोर्टिङको क्रममा मधेश प्रदेशमा लोकान्तरकर्मीहरू चहारिरहेका थियौं । जनकपुरबाट सिरहाको लहान र सप्तरी हुँदै प्रदेश–१ प्रवेश गर्नेक्रममा थियौं । हाम्रो गन्तव्य सुनसरीको इटहरी थियो ।  ...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

स्वार्थ बाझिने मुद्दा आए न्यायाधीशले के गर्ने ?

स्वार्थ बाझिने मुद्दा आए न्यायाधीशले के गर्ने ?

जेठ ९, २०७९

सार्वजनिक जिम्मेवारी वा पदमा रहेका व्यक्तिले एकातर्फ आफ्ना जिम्मेवारी इमान्दारितापूर्वक निर्वाह गर्नुपर्छ भने अर्कोतर्फ सो कार्यसम्पादनमा विभिन्न किसिमका निजी स्वार्थहरू पनि उपस्थित हुनसक्छन् । यस्तो पदीय कर्तव्य र निजी स्व...

'नेताले माओवादी छाडे तर जनताले छाडेनन्'

'नेताले माओवादी छाडे तर जनताले छाडेनन्'

जेठ ४, २०७९

रातको १ बजे यो आलेख लेख्दासम्म नेकपा माओवादी केन्द्रले देशभरका ७९ स्थानीय तहमा विजय हाँसिल गरेको छ, साथै ३८ स्थानमा अग्रता कायम गरेको छ ।  यसरी हेर्दा माओवादीले ११०–१२० स्थानीय तह जित्ने आकलन ग...

ad
x