नेकपा एमालेका उपमहासचिव प्रदीप ज्ञवालीले सरकारले स्थानीय तहको मिति तोक्न नसकेको भन्दै प्रधानमन्त्री शेरबहादुर देउवाको आलोचना गरेका छन् । 

उनले बुधवार सामाजिक सञ्जाल ट्वीटरमा देउवा २०५९ मा प्रतिनिधि सभाको चुनाव गर्न नसकेर ‘असक्षम’ घोषित भइसकेको लेखेका छन् । 

‘भनिन्छ, इतिहास दुई पल्ट दोहोरिन्छ- पहिले दु:खान्त, पछि प्रहसनका रूपमा,’ उनले लेखेका छन्, ‘२०५९ मा प्रतिनिधि सभाको चुनाव गर्न नसकेर ‘असक्षम’​ घोषित र स्थानीय चुनाव नगराएर/म्याद पनि नथपेर ‘जनसरकार’​ का लागि बाटो खोलिदिने प्रम देउवा २० वर्षपछि त्यही भीरको बाटो हिँड्दै हुनुहुन्छ। नियति दु:खान्त होला कि विद्रुप ?’