नेकपा एकीकृत समाजवादीका नेता तथा सांसद झलनाथ खनालले पनि संसदमा एमसीसी टेबुल गर्दा विरोध गरेका छन् । 

उनी आफ्नो सिटबाट उठेर संसदको वेलमा गएर एमसीसीविरुद्ध नाराबाजी गरेका हुन् । 

यद्यपि नेकपा एकीकृत समाजवादीले भने एमसीसी संसदमा टेबुल गर्न दिने निर्णय गरेको थियो । खनालले त्यस निर्णयको विरोध गर्दै आएका थिए । 

आज संसद बैठकमा एमसीसी पेश गर्ने कार्यसूची बनेपछि बैठक शुरू हुनासाथ असन्तुष्ट नेताहरू संसदभित्र प्रदर्शनमा उत्रिएका हुन् । 

एमालेले भने निरन्तर गर्दै आएको संसद अवरोधलाई निरन्तरता दिएको छ ।