०७ साउन २०८३, बिहीबार
चीनका परराष्ट्रमन्त्री वाङ यीले भारत भ्रमण गरेकै बेलामा भारतीय सेनाका प्याराट्रूपरहरूले सिलिगुडीमा अभ्यास गरेका छन् ।
चीनलाई लक्षित गरी भारतीय सेनाले यो अभ्यास गरेको भारतीय सञ्चारमाध्यमहरूले लेखेका छन् ।
सेनाको एयरबोर्न र्यापिड रेस्पोन्स टीमका लगभग ६०० प्याराट्रूपरहरूले भिन्न भिन्न एयरबेसबाट सिलिगुडी पुगेर ड्रप्स अभ्यास गरेका हुन् ।
अभ्यासमा उन्नत हवाई प्रविष्टि प्रविधि अर्थात् सैनिकहरूलाई एयरड्रप गर्ने, निगारनी गर्ने र टार्गेट प्राक्टिस गर्ने गतिविधि भएका छन् ।
रणनीतिक रूपमा महत्त्वपूर्ण यस क्षेत्रमा विगत तीन सातामा भएको यो दोस्रो अभ्यास हो । त्यसअघि मार्च ४ मा पनि भारतीय सैनिकहरूले आकाशबाट हाम्फाल्ने, निगरानी गर्ने र लक्ष्य भेदन गर्ने अभ्यास गरेका थिए ।
सिलिगुडी कोरिडोर अर्थात् चिकेन नेक भारतको मुख्यभूमिलाई पूर्वोत्तरका सात राज्यहरूसँग जोड्ने एक मात्र स्थलमार्ग हो । नेपाल, भुटान र बंगलादेशको सीमाबाट यो कोरिडोर नजिकै पर्छ । सामारिक दृष्टिकोणले यो अत्यन्तै महत्त्वपूर्ण छ ।
चीनले भारत सीमा नजिक सडक र एयरस्ट्रिपहरू बनाइरहँदा भारतले चिकेन नेक खतरामा परेको अनुभव गरेको छ ।
त्यसैले भारतले यस क्षेत्रमा तैनाथी बढाएको छ र सैन्य आधारभू संरचना पनि निर्माण गरेको छ ।
#IndianArmy conducted #AirborneExercise to validate Aerial Insertion & Rapid Response capabilities along #NorthernBorders. The Exercise entailed airlifting of Airborne troops, large scale drops, rapid regrouping, surveillance of critical targets & capture of objectives. pic.twitter.com/aiReRv0K1J
— ADG PI - INDIAN ARMY (@adgpi) March 25, 2022
