सङ्घीय मामिला तथा सामान्य प्रशासन मन्त्रालयले आठ जना सहसचिवहरूको सरुवा गरेको छ। मन्त्रालय स्रोतका अनुसार अतिरिक्त समूहमा रहेका सहसचिवहरू अमृत लम्साललाई लगानी बोर्डको कार्यालय, काठमाडौँ, प्रदीपराज अधिकारीलाई भूमि व्यवस्था, सहकारी तथा गरिबी निवारण मन्त्रालय वा अन्तर्गत, दिनेश सागर भूषाललाई आन्तरिक मामिला मन्त्रालय कर्णाली प्रदेश सुर्खेत सरुवा गरिएको छ । 

यसैगरी वेद प्रसाद खरेल भूमि व्यवस्था तथा यातायात मन्त्रालय, प्रदेश नं. १ विराटनगर र आभा श्रेष्ठ महिला, बालबालिका तथा ज्येष्ठ नागरिक मन्त्रालयमा सरुवा भएका छन् । 

यसै गरी लगानी बोर्डको कार्यालयका भगवान् अर्याललाई सङ्घीय मामिला तथा सामान्य प्रशासन मन्त्रालयको अतिरिक्त समूहमा राखिएको छ भने आन्तरिक मामिला मन्त्रालय, कर्णाली प्रदेश सुर्खेतका प्रदेश सचिव प्रेम राज गिरीलाई प्रदेश नीति तथा योजना आयोग, गण्डकी र महिला, बालबालिका तथा ज्येष्ठ नागरिक मन्त्रालयकी रोशनी कुमारी श्रेष्ठलाई बेपत्ता पारिएका व्यक्तिको छानबिन आयोग, काठमाडौ पठाइएको छ ।