उदयपुरमा किशाेरीको हत्या गरेको आरोपमा दाजुबहिनी पक्राउ परेका छन् ।

ट्युसन पढ्न घरबाट निस्किएकी बेलका नगरपालिका-१ की १५ वर्षीया कविता सुनुवारको मंगलवार बिहान शव फेला परेको थियो । 

अनुसन्धानका क्रममा १९ वर्षीय विनोद ढकाल र उनकी १७ वर्षीया बहिनी पक्राउ परेको जिल्ला प्रहरी कार्यालय उदयपुरका प्रमुख प्रहरी उपरीक्षक (एसपी) सुवासचन्द्र बोहोराले जानकारी दिए ।

एसईईको तयारी गरिरहेका उनीहरूबीच एक युवतीको विषयमा विवाद हुँदा हत्या भएको प्रारम्भिक अनुसन्धानमा खुलेको प्रहरीले जनाएको छ । 

पक्राउ परेकी किशाेरी र सुनुवारबीच विवाद हुँदा ढुंगा र बियरको बोतलले हिर्काएर हत्या गरेको बोहोराले बताए ।