राष्ट्रिय सभा सदस्य वामदेव गौतमले सबै राजनीतिक दलका नेताहरूलाई कसैले कसैलाई गालीगलौज तथा अपमान हुने व्यवहार नगर्न अनुरोध गरेका छन् ।

बुधवार नयाँ वर्ष २०७९ को शुभकामना व्यक्त गर्दै उनले निर्वाचनमा होमिन लागेका दलका नेताहरूलाई उच्च संस्कृतिले युक्त बोली र व्यवहार गर्न आग्रह गरेका हुन् । 

‘यो नयॉ वर्षले नेपालका राजनीतिक पार्टीहरूको काँधमा आमनिर्वाचनलगायत धेरै नयॉ जिम्मेवारीहरू राखिदिँदैछ,’ उनले भनेका छन्, ‘कुनै एउटा पार्टीले मात्र उपरोक्त कार्यभार एक्लै पूरा गर्न सक्ने छैन । कुनै एउटा अगाडि लागे पनि सबै मुख्य पार्टीहरूको साथ र सद्भावको सहयोग चाहिने छ ।’