गोरखाको पालुङटार नगरपालिकामा नेपाली कांग्रेसले जनता समाजवादी पार्टी (जसपा)लाई प्रमुखमा सघाउने भएको छ । 

चुनावी तालमेलअनुसार जसपालाई प्रमुख र कांग्रेसलाई उपप्रमुखमा सघाउने दुवै पक्षबीच सहमति भएको छ । 

पालुङटारमा गठबन्धनबीच मित्रवत् प्रतिस्पर्धा गर्ने सहमति भएको थियो । जसअनुसार कांग्रेसबाट दीपकबाबु कँडेलले उम्मेदवारी दर्ता गराएका थिए । 

आइतवार विज्ञप्ति जारी गर्दै कँडेल केन्द्रको निर्देशनअनुसार पछि हटेका हुन् ।

जसपाका संघीय परिषद् अध्यक्ष बाबुराम भट्टराईले आफ्नो गृहनगरमा चुनावी तालमेल गर्न दबाब दिँदै आएका थिए ।