ताप्लेजुङमा आफ्नै बाबुआमाको हत्या गरेको आरोपमा एक जना पक्राउ परेका छन् । 

आफ्नै बुबा ७० वर्षीय बीर्खबहादुर लिम्बु र आमा ७२ वर्षीया थिपरानी लिम्बुको खुकुरी प्रहार गरी हत्या गरेको अभियोगमा फक्ताङलुङ गाउँपालिका-६ गोटी थाङ्गा बस्ने २५ वर्षीय आइतराज लिम्बुलाई बिहीवार साँझ प्रहरीले पक्राउ गरेको छ । 

आइतराजले आफ्नै बुबा र आमाको हत्या गरेको भन्ने खबर प्राप्त हुनासाथ प्रहरी चौकी लेलेपबाट खटिएको प्रहरीले उनलाई खुकुरीसहित पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।