२२ असार २०८३, सोमबार
रौतहटको चन्द्रपुर नगरपालिकामा नेपाली कांग्रेसका उम्मेदवार विजयी भएका छन् ।
मेयरमा कांग्रेसका सन्जयकुमार काफ्ले नगरप्रमुखमा ९ हजार १ सय ६३ मत सहित निर्वाचित भएका छन् ।
उनका निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार शिवप्रसाद आचार्यले ६ हजार ५ सय २४ मत पाए ।
नगरप्रमुखमा जितेका काफ्ले चन्द्रपुर–५ का निवर्तमान वडा अध्यक्ष हुन् ।
उपमेयरमा कांग्रेसकै जयमाला चौधरी ११ हजार ३ सय ७८ मत सहित निर्वाचित भएकी छन् ।
उनकी निकटतम प्रतिद्वन्द्वी नेकपा माओवादी केन्द्रकी देवकी नेपालले ७ हजार ६ सय ४० मत पाएकी छन् ।
