आज सामान्यता मौसम सफा रहेपनि वर्षा हुन सक्ने मौसम विभागले जनाएको छ ।

हाल नेपालमा स्थानीय वायु तथा भारतको उत्तर प्रदेश, विहार, पश्चिम बंगाल आसपास रहेको न्यून चापीय रेखा र पश्चिमी वायुको प्रभाव रहेको।

यी वायुको प्रभावका कारण वर्षा भइरहेको समेत विभागको भनाइ छ ।

आज दिउँसो  देशका पहाडी भू-भागमा आंशिक देखि  सामान्य बदली  रही बाँकी भू-भागमा आंशिक बदली देखि मौसम सामान्यतया सफा रहनेछ। 

प्रदेश १ र बागमती प्रदेशका केही र अन्य प्रदेशका पहाडी भू-भागका एक-दुई स्थानहरुमा मेघ गर्जन तथा चट्याङ्ग  र  हावा हुरी सहित हल्का देखि मध्यम वर्षाको सम्भावना रहेको विभागले जनाएको छ।

बिहीवार राति देशका पहाडी भू-भागमा आंशिक देखि  सामान्य बदली  रही बाँकी भू-भागमा आंशिक बदली देखि मौसम सामान्यतया सफा रहनेछ।

पहाडी भू-भागका थोरै स्थानमा  मेघ गर्जन तथा चट्याङ्ग सहित हल्का वर्षाको सम्भावना रहेको विभागको भनाइ छ।