बिहीवार बिहान काठमाडौं उपत्यका लगायतका क्षेत्रहरूमा मौसममा सामान्य बदली भएको छ । 

नेपालमा स्थानीय वायु र भारतको  उत्तर प्रदेश, विहार आसपास रहेको न्यून चापीय रेखाको प्रभाव रहेकाले पनि मौसममा बदली भइरहेको मौसम विभागले जनाएको छ । 

हाल प्रदेश १, मधेश प्रदेशमा आंशिक देखि सामान्य बदली भई मेघगर्जन चट्याङ सहित हल्कादेखि मध्यम वर्षा भइरहेको विभागले जनाएको छ । देशको बाँकी प्रदेशमा आंशिक बदली देखि मौसम सामान्यतया सफा रहेको छ ।

आज दिउँसो तथा राति प्रदेश १, मधेश प्रदेश लगायत अन्य प्रदेशको पहाडी भूभागमा आंशिक देखि  सामान्य बदली  रहि बाँकी भूभागमा भागमा मौसम सामान्यतया सफा रहने विभागले जनाएको छ ।

प्रदेश १, मधेश प्रदेश, बागमती प्रदेश र गण्डकी प्रदेशका केहि स्थानहरुमा र बाँकी प्रदेशका पहाडी भूभागका एक वा दुई स्थानमा मेघ गर्जन र चट्याङ्ग  र  हावा  हुरी सहित हल्का देखि मध्यम वर्षाको सम्भावना रहेको विभागले जनाएको छ ।