सरकारले इन्धनको मूल्य १० रूपैयाँले घटाएपछि अन्तरप्रदेश (राष्ट्रिय स्तरको रुटमा) चल्ने सवारीसाधनको भाडा पनि न्यूनतम २ प्रतिशतले घटेको छ । 

सवारीसाधनको भाडा यात्रुवाहकको २ प्रतिशत र मालवाहकको पहाडी क्षेत्रमा २.६ प्रतिशत र तराईको बाटोमा चल्नेको २.९ प्रतिशतले घटाइएको हो । 

घटेको सवारीसाधनको भाडा आजै २० जेठबाटै लागू हुने यातायात व्यवस्था विभागले जानकारी दिएको छ । 

विभागका अनुसार सार्वजनिक यातायातको भाडा समायोजन गर्दा इन्धनको मूल्य ५ प्रतिशतले घट्दा वा बढ्दा सोही आधार भाडा घटबढ हुने व्यवस्था भएको छ । यही व्यवस्थाअनुसार स्वःचालितरुपमा अन्तरप्रदेश चल्ने सार्वजनिक सवारी भाडा घटेको हो । 

हाल डिजेलको बजार मूल्य १५३ रूपैयाँ छ । पछिल्लो पटक घटेको १० रूपैयाँ प्रतिलिटर ६.१३ प्रतिशतले घटेकोले पनि सवारी भाडा पनि इन्धनको मूल्य घटेकै अनुपातमा घटेको यातायात व्यवस्था विभागले जानकारी दिएको छ ।

हेर्नुहोस् भाडादर