भारतबाट फर्केका ३ नेपाली नागरिकमा कोरोना संक्रमण भएको पाइएको छ ।

भारतको रुपैडिहा हुँदै नेपालगञ्ज आएका उनीहरूमा कोरोना संक्रमण पुष्टि भएको जिल्ला स्वास्थ्य कार्यालय बाँकेका प्रमुख धीरजजंग शाहले जानकारी दिए ।

‘केही दिनयता जमुनाहा नाका हुँदै भारतका विभिन्न स्थानबाट आउने नेपालीमा कोभिड संक्रमण पुष्टि भइरहेको छ,’ उनले भने । प्रमुख शाहका अनुसार सोमवार दैलेख, प्यूठान र जाजरकोटका १/१ गरी ३ जनामा कोरोना संक्रमण पुष्टि भएको छ ।

करीब २ हप्तामा ८ जनामा कोरोना संक्रमण भएको उल्लेख गर्दै जमुनाह नाकामा दैनिक ५० जनाको स्वास्थ्य परीक्षण भइरहेको उनले बताए ।