नेपालको पूर्वी भूभागमा मनसुनी वायुको सामान्य प्रभाव रहनुका साथै मध्य तथा पश्चिमी भूभागमा स्थानीय वायुको प्रभाव रहेको जल तथा मौसम पूवर्ननुमान महाशाखाले जनाएको छ । 
जसका कारण मंगलबार बिहान प्रदेश १, मधेश प्रदेश, बागमती प्रदेश र गण्डकी  प्रदेशमा सामान्य बदली र बाँकी भूभागहरूमा आंशिक बदली रहेको छ । यस्तै प्रदेश १, बागमती प्रदेश र गण्डकी  प्रदेशका थोरै स्थानहरुमा हल्का वर्षा भइरहेको छ ।

दिउँसो प्रदेश १, मधेश प्रदेश, बागमती प्रदेश र गण्डकी प्रदेशमा  सामान्यदेखि पूर्ण बदली  रही बाँकी भूभागमा आंशिक देखि सामान्य बदली रहनेछ।  यस्तै प्रदेश १,  बागमती प्रदेश र गण्डकी प्रदेशका केही स्थानहरुमा तथा मधेश प्रदेशका थोरै स्थानहरुमा तथा कर्णाली तथा लुम्बिनी प्रदेशका एक वा दुई स्थानहरुमा हल्का देखि मध्यम वर्षाको सम्भावना रहेको पनि महाशाखाले जनाएको छ। 

यस्तै राति प्रदेश १, मधेश प्रदेश, बागमती प्रदेश र गण्डकी प्रदेशमा आंशिक देखि सामान्य बदली तथा बाँकी भूभागमा आंशिक बदली देखि मौसम सामान्यतया सफा रहनेछ। प्रदेश १, बागमती प्रदेश र गण्डकी प्रदेशका केही स्थानहरुमा र मधेश प्रदेशका थोरै स्थानहरुमा मेघ गर्जनसहित हल्का देखि मध्यम वर्षाको सम्भावना रहेको छ।