शिक्षामन्त्री देवेन्द्र पौडेलले आफ्नो छोरीले विदेशमा गरेको पढाइ राज्यको स्रोत साधनबाट नभई प्रतिस्पर्धाबाट भएको बताएका छन् । 

विनियोजन विधेयकअन्तर्गत शिक्षा मन्त्रालयअन्तर्गतको छलफलमा एक सांसदले प्रश्न उठाएकी थिइन् । 

‘व्यक्तिगत प्रश्न पनि सोध्नु भएको छ । मेरो छोरीले स्नातकोत्तर नेपालमा पढेको हो । अतिरिक्त शिक्षा पढ्न विदेश गएको साँचो हो,’ जवाफका क्रममा मन्त्री पौडेलले भने, ‘राज्यको साधन स्रोतको दुरुपयोग गरेर नभई प्रतिस्पर्धामा गएर पढेकी हुन् । अहिले नेपालमा आएर काम शुरू गरेकी छन् । नेपालमा पढेको प्रमाणित गर्न चाहन्छु ।’ 

त्यसअघि एमाले सांगद गंगा चौधरी सत्गौवाले नेपालको शिक्षाप्रति विश्वास नलागेर छोरीलाई विदेश पढ्न पठाएको हो भनेर प्रश्न गरेकी थिइन् । ‘नेपालको शिक्षा प्रणाली प्रतिविश्वास नभएर, नेपालको शिक्षाप्रति विश्वास नभएर छोरी विदेशमा पठाउनु भएको हो ?,’ सांसद चौधरीले प्रश्न गरिन् ।