नेपाल आयल निगमले इन्धनमा गरेको मूल्यवृद्धि विरुद्ध विराटनगरमा यातायात व्यवसायीले चक्काजाम गरेका छन् ।

पेट्रोल, डिजल लगायत इन्धनमा गरेको मूल्यवृद्धि विरुद्ध सोमवार विहान कोशी राजमार्गअन्तर्गत विराटनगरको राजवशी चोकमा सवारी साधन रोकेर यातायात व्यवसायीले सडक अबरुद्ध गरेका हुन् ।

निगमले डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य वृद्धि गरेको छ ।

मूल्यवृद्धि भएसँगै अब पेट्रोलको मूल्य १९९ रुपैयाँ पुगेको छ भने डिजेल र मट्टितेलको मूल्य प्रतिलिटर  १९२ रुपैयाँ पुगेको छ ।